Ungalwe Unoko Chinji Hashi—Yika Mbimbiliya Yakwamba?

Mu Haiti, yizavu ya yingalwe yinapihisa yuma yinji. Upupilo unaneha lamba linji mu África do Sul, mu México ni mu yifuchi yikwo ya mu América Latina. Chipwe ku yihela kuze upupilo unatepuluka nihindu atu keshi kulivwa mu ufunge nawa kakusakalala mumu ha kwivwa sango ja upupilo, mbwaja, ni kupihisa cha yuma.

Yika Mbimbiliya yakwamba hakutwala ku ungalwe uze unalingiwa hashi heswe?

Yize Mbimbiliya yaliangile kwamba hakutwala ku ungalwe

Mbimbiliya yaliangile kulu kwamba ngwo, ungalwe te muulinga chihanda cha chilayi cha “kumanunuka cha miaka yino.” (Mateu 24:3) Muze Yesu ahanjikile hakutwala ku yuma yize muyilinga chihanda ku chilayi chino iye yamba ngwenyi:

• “Mumu lia kwoka cha uhulia, zango lia atu anji mulikakekema.”—Mateu 24:12.

Mbimbiliya nawa yaliangile kulu kwamba ngwo “ha matangwa akusula,” atu makapwa “keshi kulihumikiza, asasu, kechi kazanga yuma yipema.” (2 Timoteu 3:1-5) Yitanga yino ya chipululu ye yinatwale atu kulinga yuma ya ungalwe yize tunamono musono.

Alioze yetu tuli ni kutalatala. Mbimbiliya yinalakenya ngwo kwasala hakehe, ungalwe weswe maauhwisa.

• “Mumu kwasala hakehe mba yingulungulu hi akuhi, ewa, mutala kanawa mu chihela chenyi alioze iye keshimo. Alioze yimbovu kumahinga chifuchi. Kumawahilila mu kulumbama cha sambukila.”—Samu 37:10, 11.

Lilongese nawa sango jikwo ja kutalatala ja mu Mbimbiliya, ni mumu liaka muhasa kupwa ni shindakenyo ngwe yuma yize yinalingiwa musono yinamanununa uprofeto wa mu Mbimbiliya. Tala nawa yikuma yino.

“Você pode acreditar num futuro melhor”

“O que é o sinal dos ‘últimos dias’ ou ‘fim dos tempos’?”

“Será que a Bíblia já falava como as pessoas iriam pensar e agir hoje?”