alfa27/stock.adobe.com
Yesu Makahwisa Ungalwe
Yesu kananyingika chize chinalumbununa kumona lamba mumu lia ungalwe ni kupalika mu yuma ya uhenge. Iye kamulamikijile chakuhona chitela, yamulamba, yamusopesa mu jila yize kuyalitele, yamupatwila ni kumushiha chitaka. Chipwe ngwe kakapwile ni mulonga, iye yahana “mwono wenyi ngwe ukuule hali anji.” (Mateu 20:28; Yoano 15:13) Haliapwila, amu ali Mwanangana wa mu Wanangana wa Zambi, kwasala hakehe Yesu maneha ululi hashi heswe ni kuhwisa ungalwe ku miaka yeswe.—Izaia 42:3.
Mbimbiliya yakusolola chize hashi muhakapwa muze Yesu maputuka kuyulaho:
“Kwasala hakehe mba yingulungulu hi akuhi, ewa, mutala kanawa mu chihela chenyi alioze iye keshimo. Alioze yimbovu kumahinga chifuchi. Kumawahilila mu kulumbama cha sambukila.”—Samu 37:10, 11.
Kuchi mutuhasa kusolola usakwililo wetu ha yize Yesu anatulingila ni ha yize makatulingila kulutwe? Jila yimwe ya kuchilingila, yili kulilongesa yuma yinji hakutwala ku “sango jipema ja Wanangana wa Zambi,” jize Yesu apwile ni kwambujola. (Luka 4:43) Tanga chikuma “O que é o Reino de Deus?”