Kuchi Mutuhasa Kupanjika Zambi?

Zambi kakuhanjika ni yetwe mu Mbimbiliya. 2 Timoteu 3:16

Zambi wamwenemwene yasakula amwe atu hanga asoneke manyonga jenyi mu mukanda usandu. Mukanda wacho ye Mbimbiliya. Muli yuma yilemu yize Zambi anazange ngwo uyinyingike.

Zambi kananyingika yuma yize muyitwaha chiseke, iye mwe fuji lia mana eswe a umwenemwene. Nyi wapanjika kuli iye, muupwa ni mana.—Yishima 1:5.

Zambi kanazange ngwo atu eswe hano hashi atange Mbimbiliya. Mbimbiliya ai yili mu malimi anji.

Nyi unazange kupanjika Zambi, ndo utange Mbimbiliya ni kunyingika kanawa yize unatange.

Hashi heswe atu kanapanjika. Mateu 28:19

Yela ja Yehova makukwasa hanga unyingike kanawa Mbimbiliya.

Ayo kanalongesa umwenemwene wa Zambi hashi heswe.

Yena kuuchi kufeta nichimwe ha kulilongesa Mbimbiliya. Nawa mulilongesa umwenemwene wa Zambi mu Zuwo lia Wanangana lia yela ja Yehova lize lili mu chihunda chize watwama.