MWONO WA AKWA-KRISTU
Kolesa Ufulielo We mu Liji lia Zambi
Liji lia Zambi mulihasa kwalumuna mwono wetu. (Hep 4:12) Chipwe chocho, kweswako tuli, mba tuyuke ni usongwelo ni yiyulo ya mu Mbimbiliya, twatamba kupwa ni shindakenyo ngwetu yili “Liji lia Zambi.” (1Te 2:13) Kuchi mutuhasa kukolesa ufulielo wetu mu Mbimbiliya?
Tanga Mbimbiliya matangwa eswe. Muze unatange, fupa yuma yize muyikwaha shindakenyo ngwo Yehova mwe Mwenya-Mbimbiliya. Chakutalilaho, hengwola yiyulo yize yili ha mukanda wa Yishima ni kuwana ulemu wa yiyulo yacho.—Yis 13:20; 14:30.
Linga katalilo we wa kulilongesa Mbimbiliya. Lilongese yuma yize muyikwaha shindakenyo ngwe Mbimbiliya yili Liji lia Zambi. Ha mukanda Guia de Pesquisa para Testemunhas de Jeová, tala ha chikuma “A Biblia” ni chikuma “Inspirada por Deus.” Muhasa nawa kukolesa ufulielo we ngwo sango ja mu Mbimbiliya kujalumukine, ha kuhengwola sango jili mu Apêndice A3 da Tradução do Novo Mundo.
SOLOLA CHINEMA MUMU LIAKA TWAKUFULIELA . . . HA LIJI LIA ZAMBI, MBA NUKUMBULULE YIHULA YINO:
Kuchi chikalakala cha tembele chize awanyine ku Karnak mu Engitu, chinasolola umwenemwene wa Liji lia Zambi?
Kuchi tunanyingika ngwetu sango ja mu Mbimbiliya kujalumukine?
Kuchi kununga cha Mbimbiliya chinasolola ngwo yili Liji lia Zambi?—Tanga Izaia 40:8