Mumu Liaka Musono Atu Keshi ni Vumbi mu Usoko?

MUMU LIAKA KUVUMBIKA ASOKO CHILI CHILEMU?

• Mukanda Os Sete Princípios para Fazer o Casamento Funcionar, unambe ngwo, muze waze alimbata akulisolwela vumbi, kakusolola zango lio kuli umwe ni mukwo. Hi wika ko ha “yuma yinene-yinene, alioze chipwe ha yuma yekehe-yikehe matangwa eswe.”

• Akwa-mana kakwamba ngwo, twanuke waze akulilongesa kuvumbika akwo, kakulivwa kanawa, kakupwa ni usepa upema ni yisemi jo, chikwo nawa, keshi kupinda chinji ni manyonga.

YIZE MUHASA KULINGA

Lingenu katalilo hamuwika. Chitangu, pwako ni shindakenyo nyi eswe mu usoko wenu kananyingika yize yinalumbunuka kulisolwela vumbi. Chamuchiali, soneka yitanga yize hita mutu atamba kupwa nayo ni yize atamba kwehuka. Chamuchitatu, hanjikenu hakutwala ku katalilo wacho hanga yenweswe nuputuke kulinga yize nwasele ha katalilo.

Pwako chilweza chipema. Shina wakupatwila chinji asoko je muze akuhengesa? Shina wakwakekuna hamukunda wa yiyulo yize akuhana hanji kwalengulula ni kwapatwila maliji muze ayo anahanjika ni yena?

Yize muhasa kulinga: Iwuluka ngwe, watamba kuvumbika yoze walimbata nenyi ni ana je, ha kwehuka kunyonga ngwe ayo katelele vumbi.

Litune ni vumbi. Muze unalumbununa mumu liaka kuwatayijile nyonga lia umwe mu usoko wenu, kanda uhanjika maliji ngwe “yena mashimbu eswe” hanji “yena kuushi kulinga chinganji.” Maliji ngwe wano mahasa kulemeka ku mbunge yoze unahanjika nenyi ni kumuvwisa kupihia hanji kunutwala hanga nuzwele.

YUMA YIZE TUNALINGI

Yela ja Yehova kakukolweza asoko hanga alisolwele vumbi umwe ni mukwo. Chikuma chino twakuchihanjika chinji mu mikanda ni ha yinema yetu. Yinema ni mikanda yetu yili yawana.

KULI WAZE HANALIMBATA: Chikuma chili ha site yetu chinambe ngwo Ukwaso Kuli Asoko muchihasa kukwasa waze hanalimbata . . .

• kulipanjika umwe ni mukwo

• kulihanjikisa chipwe ngwe kanalivwila uli

• kuchina kuzwela

(Fupa chikuma “Ukwaso Kuli Asoko” ha site jw.org)

KULI YISEMI: Chikuma chili ha site yetu chinambe ngwo Ukwaso Kuli Asoko muchihasa kukwasa yisemi kufumba ano . . .

• kwononoka

• kukwasa milimo ya ku zuwo

• apwe ni “kulikehesa” ni “kusakwilila”

(Fupa chikuma “Criar filhos” ha site jw.org)

Tala nawa apendice “Os Pais Perguntam” ha mukanda Os Jovens Perguntam — Respostas Práticas, Volume 1. (Fupa chikuma “Os Pais Perguntam” ha site jw.org)

KULI AKWEZE: Chihanda chili ha site yetu chinambe ngwo Akweze, chili ni mikanda ni yinema yize muyihasa kukwasa akweze hanga . . .

• atwame kanawa ni yisemi jo, ni mandumbu jo ku zuwo

• ahanjike ni vumbi ni yisemi hakutwala ku chize atamba kutwama ku zuwo

• apwe ni kwajikijila kuli yisemi jo

(Fupa chikuma “Akweze” ha site jw.org)

Kunjila ha site yetu jw.org chili chawana. Kunwafupiwile kulisonekesa, kufweta mbongo chipwe kupwa Chela cha Yehova mba nunjile ha site yetu.