UTULIKILO WA MIKANDA HA INTERNET wa Watchtower
Watchtower
UTULIKILO WA MIKANDA HA INTERNET
Chokwe
  • MBIMBILIYA
  • MIKANDA
  • KUKUNGULUKA
  • od lif. 179-lif. 184
  • Apendice

Kukushi nichimwe chinema.

Lisesa, kwasoloka kapalia ha kwazulula chinema.

  • Apendice
  • Ululikiso Uze Unalingi Upale wa Yehova
  • Yikuma Yalifwa
  • Upapachiso ni Usepa we Kuli Zambi
    Yika Chamwenemwene Mbimbiliya Yakulongesa?
  • Kushimutwina cha Kasula ni Waze Mapapachisa
    Ululikiso Uze Unalingi Upale wa Yehova
  • Upapachiso—Chuma Chize Chahiana Ulemu!
    Wahilila ku Mwono ku Miaka Yeswe!—Longeso Lia Mbimbiliya
  • Hiwalilulieka Hanga Akupapachise?
    Kaposhi wa Kutalila Kanambujola Wanangana (Wakulilongesa)—2020
Tala Nawa Yikwo
Ululikiso Uze Unalingi Upale wa Yehova
od lif. 179-lif. 184

Apendice

Sango Kuli Yisemi Akwa-Kristu:

Amu uli chisemi, unazange kukwasa ana je hanga azange Yehova ni kulihana kuli iye. Yika muhasa kulinga mba wakwase kulilulieka hanga apapachise? Kuchi muhasa kunyingika ngwe halilulieka hanga alinge chuma chino chilemu?

Yesu kalwezele tumbaji twenyi ngwenyi: “Yeenu nukatayise tumbaji a ku mavungu eswe, nikuapapachisa.” (Mateu 28:19) Kulita ni maliji wano, chuma chitangu chize mutu atamba kulinga mba amupapachise chili kupwa kambaji—iye katambile kunyingika wika malongeso a Yesu ni kwafuliela, alioze katamba kwakaula kanawa. Chipwe twanuke no mahasa kukaula malongeso jacho.

Pwako chilweza chipema kuli ana je, ni kwalongesa shimbi ja Yehova. (Shimbi 6:6-9) Muhasa kuchilinga ha kwalongesa mukanda Wahilila ku Mwono ku Miaka Yeswe! hanga anyingike umwenemwene wa mu Mbimbiliya ni kwalulieka mba ene ahase kukaula shimbi ja Mbimbiliya. Kwasa ana je hanga anyingike kulumbununa ufulielo wo mu maliji jo. (1 Petu. 3:15) Chinyingi ni utakamiso uze mazuka kuli yena, ku longeso lio lia wika, uwayilo wa mu usoko, kukunguluka ni ha kulikata ni masepa apema, muyakwasa kujama ni kwapapachisa ni kununga ni kukola ku ufulielo. Akwase hanga atese milimo yize malinga mu ululikiso wa Yehova.

Mukanda wa Yishima 20:11 unambe ngwo: “Chipwe mwana kakulisolola ku yitanga yenyi, nyi yilinga yenyi yapwa yitoma hanji ya ululi.” Yitanga yika muyisolola ngwo, mwana hapwa kambaji ka Yesu Kristu nawa hajama hanga amupapachise?

Mwana yoze unalikolweza hanga amupapachise katamba kwononokena yisemi jenyi. (Yili. 5:29; Kolo. 3:20) Mbimbiliya yinambe hali Yesu muze te uchili ni miaka 12 ngwo: “Iye yazeya kuli [yisemi jenyi].” (Luka 2:51) Kanda ushimbwila ungunu hali mwane. Chipwe chocho, mweswawo mazanga amupapachise katamba kukaula chilweza cha Yesu ni kumunyingika kuli atu akwo ngwo kakwononokena yisemi jenyi.

Katamba nawa kuzanga kulilongesa umwenemwene wa Mbimbiliya. (Luka 2:46) Shina mwane kakuzanga kuya ku kukunguluka ni kuhana makumbululo? (Samu 122:1) Shina kakuzanga kutanga Mbimbiliya hita tangwa ni kulinga longeso lia wika?—Mateu 4:4.

Mwana yoze unalikolweza amupapachise kakusa tachi hanga aliange kufupa Wanangana wa Zambi. (Mateu 6:33) Kananyingika ngwenyi katamba kwambujola sango lipema kuli akwo. Kakwambujola mu milali yalisa, nawa keshi sonyi ja kulweza alongi-ni-akwo ni alongeshi jenyi ngwenyi kali Chela cha Yehova. Kakulinga ni mbunge yeswe pande jize akumwaha ha kukunguluka cha Mwono ni Mulimo Wetu.

Kakulikolweza kupwa ni yitanga yipema ni kwehuka masepa api. (Yishi. 13:20; 1 Kori. 15:33) Chino chakusoloka ha miaso yize akupanjika, yinema yize akutala, yizulie ya ha TV, yiheho ya videogame ni chize akuzachisa Internet.

Amwe kakukaula kanawa shimbi ja yisemi jo, kakutayiza umwenemwene ni mbunge yeswe ni kusolola ngwo kanatela kwapapachisa muze achili twanuke. Yehova anuwahise muze nunakwase ana jenu kupwa ni usepa upema ni iye.

Sango Kuli Mukwa-Kwambujola Yoze Kanda Achipapachisa:

Chili kuyuka chinene kupwa mu chikungulwila ngwe mukwa-kwambujola yoze kanda achipapachisa. Tunakuchichimieka ha kukola ku ufulielo. Kulilongesa Liji lia Zambi chakukwasa kumunyingika ni kufuliela ha yilakenyo yenyi.—Yoa. 17:3; Hepre. 11:6.

Muze te kanda uchiputuka kulilongesa ni Yela ja Yehova, kota te wakuya mu yimwe yingeleja hanji ka. Hanji wapwile ni kulinga milimo yize yakulimika ni shimbi ja Mbimbiliya. Alioze haliapwila hiwasolola ufulielo we ha kulikonyeka, chekwamba walinyenga ha yuma yipi yize wapwile ni kulinga kunyima, nawa walumuka ha kulituna yitanga yipi ni kutayiza kulinga yuma yize yalita kumeso ja Zambi.—Yili. 3:19.

Chikwo nawa, hanji hiunanyingika sona jisandu “chize ku ukemba we.” Chino chakufungile hanga wehuke kulinga yuma yipi. (2 Timo. 3:15) Hiwalilongesa chize watamba kuchina yeseko ya masepa waze akuzanga hanga ulinge yuma yize Yehova keshi kuzanga. Wakusolola ufulielo we ha kukalila uwayilo wamwenemwene ni kwambujola sango lipema kuli akwenu. Hiwalilongesa mwakwambulwila sango lipema. Haliapwila hiwalihana kuli Yehova hanga upwe mukwa-kwambujola yoze kanda achipapachisa.

Chipwe ngwe wanyingika Yehova muze hiwakola hanji chize ku ukemba we, nihindu haliapwila kota unanyongo kulinga yuma yaali yize muyikolesa ufulielo we—kulihana ni kukupapachisa. Mulihana kuli Yehova ha kulemba kuli iye ni kumulakenya ngwe unafupu kumuwayila ku mwono we weswe. (Mateu 16:24) Kukupapachisa mu meya muchisolola kulihana che. (Mateu 28:19, 20) Kulihana ni kukupapachisa, muchikupwisa kavumbi ka Yehova Zambi. Chino chili kuyuka chinene!

Alioze, ngwe chize walilongesa mu Mbimbiliya, mulitakana ni yipikalo yeka ni yeka. Iwuluka ngwe muze Yesu amupapachishile ha shimbu likehe “yamutwala ku puya ku tachi ja spiritu, hanga akamweseke kuli Ndiapu.” (Mateu 4:1) Muze makupapachisa hanga upwe kambaji ka Kristu, nyingika ngwe mukamona yeseko yeka ni yeka. (Yoa. 15:20) Yeseko yacho, muyihasa kwiza mu mitapu yeka ni yeka. Asoko je mahasa kukuhungumiona. (Mateu 10:36) Hanji mahasa kukuhungumiona kuli akwenu ku shikola, ku mulimo, ni waze wapwile ni kulikata no. Alioze, iwuluka shimbu lieswe maliji a Yesu waze ali ha Marku 10:29, 30, waze ambile ngwenyi: “Pundu ngunambe kuli yenu ngwami, Mweswawo mahichika zuwo, hanji ayayo, hanji ana-akwo, hanji mapangi, hanji tato, hanji naye, hanji ana, hanji minda, mumu hali yami, ni ha sango lipema; kumakatambula kulakaji lia yisuho haliapwila ha mwaka uno, mazuwo, hanji ayayo, ana-akwo, mapangi, anaye, ana, minda, hamwe ni yihungumiona; ha mwaka uze muwizaho mwono wa mutolo.” Kashika, sako tachi hanga ukundame kuli Yehova ni kukaula shimbi jenyi.

Nyi unazange akupapachise, hanjika ni kasongo wa chizavu cha makulwana a mu chikungulwila. Yihula yize yinasulaho ye makulwana makashimutwina ni yena hanga anyingike nyi hiwajama ni kukupapachisa nyi ka. Muhasa kuputuka kuhituluka mu yihula yacho ukawe ngwe longeso lie lia wika.

Muze mululieka malongeso jacho, tanga Yisoneko yeswe yize yilimo ni kuyipukuna. Muhasa kusoneka maliji je mu mukanda uno hanji ha papilo lieka. Muze unashimutwina ni makulwana, muhasa kuzachisa yize wasonekanga hamwe ni mukanda uno. Nyi yihula yimwe muyikukalila, muhasa kwita ukwaso wa longeshi ye wa Mbimbiliya chipwe makulwana a mu chikungulwila.

Ha kushimutwina ni makulwana, kanda unyonga ngwe makumbululo je katamba kupwa asuku-asuku hanji akalu. Watamba kuhana kumbululo lihi nawa mu maliji je. Nyi makuhula yihula yinji, muchipema chinji kutongola chimwe chisoneko hanji yaali yize muyihana shindakenyo ha maliji waze mukumbulula.

Nyi kanda uchipwa ni yinyingi yinji ya malongeso a Mbimbiliya, makulwana mafupa jila yakukukwashilamo hanga ukahase kukumbulula kanawa mu maliji je. Chino muchikukwasa kujama ni kukupapachisa ha kukunguluka chize muchikasulaho.

[Utowezo kuli makulwana: Usongwelo wa kushimutwina ni waze mapapachisa uli ha mafwo 208-21.]

    Mikanda ya Chokwe (2008-2025)
    Fwambuka
    Njila
    • Chokwe
    • Tuma
    • Kululieka
    • Copyright © 2025 Watch Tower Bible and Tract Society of Pennsylvania
    • Shimbi Yakuyizachisa
    • Shimbi ja Kufunga Sango ja Mutu
    • Configurações de Privacidade
    • JW.ORG
    • Njila
    Tuma