Yikuma Yikwo Yize Yakwiza ha Kaposhi wa Kutalila

Mandumbu anji kakuzachisa JW Library^® hanga alulieke kukunguluka. Chikwata chino chakukwasa chinji mumu chakutwala atu ha Longeso lia Kaposhi wa Kutalila. Alioze, Kaposhi wa Kutalila wa kulilongesa kakwiza nawa ni yikuma yikwo yize neyo yikwete kulia lia ku ufulielo. Kuchi mutuhasa kuwana yikuma yino muze tunazachisa JW Library ni kuyuka ha yikuma yacho?

• Kusongo lia hita longeso lia Kaposhi wa Kutalila, kwakusoloka maliji; “Leia também.” Pola ha link yili mushi lia chikuma chino, yinambe ngwo: “Outros artigos desta revista.” Hachino, mumona mitwe yeswe yili mu kaposhi. Mitwe yakulilongesa muyisoloka ni chimwe kwalula. Mitwe yize kuyishi ni chimwe kwalula, ye yikwo yize yili mu kaposhi wacho. Pola ha mutwe uze unambe kutanga.

• Jila yikwo yili kuya ha chikuma “Início,” mu JW Library, hanyima yako ha chikuma “Novidades” ni kuchiza kaposhi mweswawo mwaha wasolokaho. Pola ha kaposhi yoze wachiza, mba mumona mitwe yeswe yili mu kaposhi wacho. Kulinga chino, musolola ngwo unayuku ha mitwe yeswe yize yinasoloka mu kaposhi wa kulilongesa.