بە‌ش ٢
باوە‌ڕی ڕاستە‌قینە چییە؟
باوە‌ڕ وە‌ک پارە وایە، ئە‌گە‌ر ڕاست نە‌بێ بایە‌خێکی نیە
هە‌بوونی باوە‌ڕێکی ڕاستە‌قینە زۆرتر لە‌وە دە‌گرێتە خۆی کە تە‌نها باوە‌ڕت بە بوونی خودا هە‌بێ. ملیۆنە‌ها کە‌س باوە‌ڕیان بە‌خودا هە‌یە بە‌ڵام بە‌ئە‌نقە‌ست کاری خراپ دە‌کە‌ن. باوە‌ڕێکی لە‌م جۆرە وە‌ک پارە‌ی ناڕە‌سە‌ن وایە. بە پارە‌ی ڕاست دە‌چێ بە‌ڵام هیچ نرخێکی نییە. ئە‌ی کە‌واتە باوە‌ڕی راستە‌قینە چییە؟
باوە‌ڕی ڕاستە‌قینە لە سە‌ر زانستی ڕاستودروستی ناو پەرتووکی پیرۆز دامە‌زراوە. ئە‌و نووسراوە سروشکراوانە ڕاستیمان دە‌ربارە‌ی خودا پێدە‌ڵێن و یارمە‌تیمان دە‌دە‌ن بتوانین خودا بناسین. یاساکان و ئامانج و فێرکردنە‌کانی ئە‌ومان بۆ دە‌ردە‌خە‌ن:
خودا یە‌کە. ئە‌و هاوشێوە‌ی نییە.
عیسا خودای هە‌رە‌بە‌توانا نییە. ئە‌و پێغە‌مبە‌ری خودایە.
خودا هە‌موو جۆرە بتپە‌رستیە‌ک ڕە‌ت دە‌کاتە‌وە.
مرۆڤ ڕووبە‌ڕووی ڕۆژی لێپیرسینە‌وە دە‌بێتە‌وە.
مرۆڤە مردووە‌کان لە بە‌هە‌شت زیندوو دە‌کرێنە‌وە.
باوە‌ڕی ڕاستە‌قینە هانمان دە‌دات کرداری باش بکە‌ین. ئە‌و جۆرە کردارانە ڕێزگرتنە لە خودا و سوودی بۆ خۆمان و کە‌سانی تر هە‌یە. ئە‌و کردارە باشانە ئە‌مانە‌ن:
خودا پە‌رستی.
گە‌شە‌دان بە ڕە‌ووشتە یە‌زدانییە‌کان —بە‌تایبە‌ت خۆشە‌ویستی.
ڕە‌تکردنە‌وە‌ی بیرۆبۆچوونی ئارە‌زووە خراپە‌کان.
بە‌ردە‌وام بوون لە باوە‌ڕکردن بە خودا سە‌رە‌ڕای ڕووبە‌ڕووبوونە‌وە‌ی کێشە‌کان.
فێرکردنی کە‌سانی تر دە‌ربارە‌ی خودا.
بە‌رهە‌می باوە‌ڕی ڕاستە‌قینە کرداری باشن
تۆ چۆن دە‌توانی باوە‌ڕێکی ڕاستە‌قینە گە‌شە پێبدە‌ی؟
باوە‌ڕ وە‌ک ماسوولکە‌یە. کاتێک بە‌کاریدە‌هێنی بە‌هێز دە‌بێ
داوای یارمە‌تی لە خودا بکە. موسای پێغە‌مبە‌ر لە خودا پاڕایە‌وە: «ئێستاش ئە‌گە‌ر لە بە‌ر چاوانت پە‌سە‌ندم، ڕێگای خۆتم فێر بکە، تا بتناسم».a خودا گوێی لە پاڕانە‌وە‌کە‌ی گرت و وە‌ڵامی دایە‌وە. موسا بوو بە نموونە‌یە‌کی بێ هاوتا لە باوە‌ڕدا. خودا دە‌یە‌وێ یارمە‌تی تۆش بدات تاکو باوە‌ڕێکی راستە‌قینە گە‌شە پێبدە‌ی.
کات تە‌رخان بکە تاکو پەرتووکی پیرۆز بخوێنی. نووسراوە سروشکراوە‌کان، کە تە‌ورات و زە‌بور و ئینجیلە‌کان دە‌گرێتە خۆی، لە پەرتووکی پیرۆزدان، کە بە‌ربڵاوترین پە‌رتووکە و لە جیهاندا بۆ چە‌ندین زمان وە‌رگێڕدراوە. ئایا تۆ دانە‌یە‌کت لە‌و پە‌رتووکە سروشکراوانە هە‌یە؟
ئامۆژگاری تە‌واوی نووسراوە‌کان لە ژیانی ڕۆژانە‌ت دا جێبە‌جێ بکە. باوە‌ڕ وە‌ک ماسوولکە‌یە کاتێک بە‌کاری دە‌هێنی بە هێز دە‌بێ. باوە‌ڕی تۆش ئە‌و کاتە بە هێزدە‌بێ کە بە کاری دە‌هێنی. لە سە‌رە‌تا دا هە‌ستی پێ دە‌کە‌ی کە پە‌ندە‌کانی خودا کاریگە‌ریت لە سە‌ر دە‌کات. لە ڕاستیدا ئە‌و پە‌ندانە‌ی پەرتووکی پیرۆز ئاڵووگۆری لە ژیانی زۆر کە‌سدا پێک هێناوە. ئێستا باسی هە‌ندێک نمونە دە‌کە‌ین.
a دە‌رچوون ٣٣:١٣.