وانە‌ی ١٣
ئایینە پوچە‌ڵە‌کان چۆن خودایان بە‌دناو کردووە؟
وە‌ک پە‌رتووکی پیرۆز دە‌ڵێت خودا خۆشە‌ویستییە، کە‌واتە بۆچی ئە‌و ئایینانە‌ی کە دە‌ڵێن نوێنە‌رایە‌تی خودا دە‌کە‌ین، ئە‌وە‌ندە خراپە دە‌کە‌ن؟ وە‌ڵامە‌کە ئاسانە. ئە‌مانە ئایینە درۆزنە‌کانن و بونە‌تە هۆی بە‌دناوکردنی خودا. ئە‌وان چۆن خودایان بە‌دناو کردووە؟ خودا چ هە‌ستێکی بە‌رامبە‌ر بە ئە‌وان هە‌یە؟ خودا لە‌م بارە‌یە‌وە چی دە‌کات؟
١. ئایینە پوچە‌ڵە‌کان چۆن بە فێرکردنە‌کانیان خودا بە‌دناو دە‌کە‌ن؟
دینە پوچە‌ڵە‌کان بە جێی ئە‌وە‌ی کە «ڕاستی دە‌ربارە‌ی خودا بە کە‌سانیتر فێر بکە‌ن ڕاستی خودایان بە درۆ گۆڕییە‌وە.» (ڕۆما ١:٢٥) بۆ نموونە زۆربە‌ی ئایینە‌کان ناوی خودایان بۆ شوێنکە‌وتووان باس نە‌کردووە. بە‌ڵام پە‌رتووکی پیرۆز دە‌ڵێت پێویستە ناوی خودا بە‌کار بهێنین. (ڕۆما ١٠:١٣، ١٤) هە‌ندێک لە سە‌رکردە ئاینییە‌کان دە‌ڵێن شتە خراپە‌کان خواستی خودا بوون. بە‌ڵام ئە‌مە درۆیە، چونکە خودا هە‌رگیز خراپە ناکات. (یاقوب ١:١٣ بخوێنە‌وە.) بە‌داخە‌وە درۆکانی ئە‌وان خە‌ڵکیان لە خودا دوور کردۆتە‌وە.
٢. ئایینە پوچە‌ڵە‌کان چۆن بە کردە‌وە‌کانیان خودا بە‌دناو دە‌کە‌ن؟
ئایینە پوچە‌ڵە‌کان بە‌و شێوە‌یە مامە‌ڵە لە‌گە‌ڵ خە‌ڵک ناکە‌ن کە یە‌هوە خودا دە‌یە‌وێت. پە‌رتووکی پیرۆز دە‌ڵێت کە ئایینە پوچە‌ڵە‌کان «گوناهە‌کانی تاکو ئاسمان بە‌رزبوونە‌وە.» (ئاشکراکردن ١٨:٥) بۆ چە‌ندین سە‌دە ئایینە پوچە‌ڵە‌کان دە‌ستیان لە کاروباری سیاسیدا گرتووە و پشتگیری جە‌نگ دە‌کە‌ن و بوونە‌تە هۆی مردنی کە‌سانێکی بێژمار. هە‌ندێک لە‌و ئایینانە پارە لە ئە‌ندامە‌کانیان کۆدە‌کە‌نە‌وە بۆ ئە‌وە‌ی بتوانن ژیانێکی زۆر خۆش بۆخۆیان دروست بکە‌ن. ئە‌م کردارانە ئە‌وە دە‌سە‌لمێنن کە ئە‌وان خودا ناناسن، کە لە ئە‌نجامدا ئە‌وان مافی ئە‌وە‌یان نییە نوێنە‌رایە‌تی خودا بکە‌ن.—١ یۆحە‌نا ٤:٨ بخوێنە‌وە.
٣. خودا چۆن هە‌ست بە ئایینە پوچە‌ڵە‌کان دە‌کات؟
ئە‌گە‌ر ئێوە بێزارن لە کردە‌وە‌کانی ئایینە پوچە‌ڵە‌کان، پێتوایە یە‌هوە چ هە‌ستێکی بە‌رامبە‌ر بە ئە‌وان هە‌یە؟ خودا مرۆڤی خۆشدە‌وێت، بە‌ڵام لە مامۆستایانی ئایینی توڕە‌یە چونکە بونە‌تە هۆی بە‌دناوکردنی خودا و خراپ ڕە‌فتار کردن لە‌گە‌ڵ ئە‌ندامە‌کانیان. بە‌ڵێنیشی داوە کە ئایینە پوچە‌ڵە‌کان لە‌ناوبە‌رێ و «هە‌رگیز نادۆزرێتە‌وە.» (ئاشکراکردن ١٨:٢١) خوای گە‌وره هە‌موو ئایینە پوچە‌ڵە‌کان لە‌ناو دە‌بات.—ئاشکراکردن ١٨:٨.
زیاتر بزانە
لە‌م وانە‌یە‌دا، ئێمە فێر دە‌بین کە ئایینە پوچە‌ڵە‌کان چیان کردووە، خودا دە‌ربارە‌یان چۆن هە‌ست دە‌کات و بۆچی کردە‌وە‌کانیان نابێت ڕێگە‌مان لێ بگرێت بۆ ئە‌وە‌ی کە یە‌هوە باشتر بناسین.
٤. ئایا هە‌موو ئایینە‌کان بۆ خودا قبوڵکراون؟
زۆر کە‌س باوە‌ڕیان وایە کە ئایینە جیاوازە‌کان، ڕێگای جیاوازیان هە‌یە کە ئێمە بۆلای خودا دە‌گە‌یێنێت. ئایا ئە‌مە ڕاستە؟ مە‌تا ٧:١٣، ١٤ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
پە‌رتووکی پیرۆز چی دە‌ڵێت دە‌ربارە‌ی ئە‌و ڕێگایە‌ی کە دە‌مانگە‌یە‌ێنت بە ژیان؟
ڤیدیۆکە بکە‌وە، دواتر لێکۆڵینە‌وە‌ی ئە‌م پرسیارە‌ی خوارە‌وە بکە‌ن.
ئایا پە‌رتووکی پیرۆز فێرمان دە‌کات کە هە‌موو ئایینە‌کان لە‌لایە‌ن خوداوە قبوڵ دە‌کرێن؟
٥. ئایینە پوچە‌ڵە‌کان ڕە‌نگدانە‌وە‌ی خۆشە‌ویستی خودا نین
بە‌درێژایی مێژوو، ئایینە‌کان بە شێوە‌ی جۆراوجۆر بوونە‌تە هۆی بە‌دناوکردنی خودا. ئە‌وان بە پشتیوانیکردن لە جە‌نگە‌کان بە خراپترین شێوە خودایان بە‌دناو کردووە. نموونە‌یە‌ک لە‌م ڤیدیۆیە‌دا ببینن. دواتر لێکۆڵینە‌وە‌ی ئە‌و پرسیارانە‌ی خوارە‌وە بکە‌ن.
زۆربە‌ی کڵێساکان لە جە‌نگی جیهانی دووە‌مدا چ ڕۆڵێکیان هە‌بوو؟
هە‌ستت چۆنە دە‌ربارە‌ی ئە‌م کارە‌ی کە کڵێساکان کردوویانە؟
یۆحە‌نا ١٣:٣٤، ٣٥ و یۆحە‌نا ١٧:١٦ بخوێنە‌وە و دواتر لێکۆڵینە‌وە‌ی ئە‌م پرسیارانە‌ی خوارە‌وە بکە‌ن:
بە ڕای ئێوە یە‌هوە بە‌رامبە‌ر بە پشتگیری ئایینە‌کان لە شە‌ڕە‌کان چ هە‌ستێکی هە‌یە؟
ئایینە پوچە‌ڵە‌کان چە‌ندین کارە‌ساتیان دروستکردووە. پێتوایە ئە‌م ئایینانە لە چ بوارێکدا ڕە‌نگدانە‌وە‌ی خۆشە‌ویستی خودا نین؟
ئایینە پوچە‌ڵە‌کان ڕە‌نگدانە‌وە‌ی خۆشە‌ویستی خودایان نە‌بووە
٦. خودا دە‌یە‌وێت خە‌ڵک لە ئایینە پوچە‌ڵە‌کان ئازاد بکات
ئاشکراکردن ١٨:٤ بخوێنە‌وەa و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
ئێوە چ هە‌ستێکتان هە‌یە بە‌رامبە‌ر بە ئە‌وە‌ی کە خودا دە‌یهە‌وێت خە‌ڵک لە چنگی ئایینە پوچە‌ڵە‌کان ڕزگار بکات؟
٧. بە‌ردە‌وام بن بۆ ئە‌وە‌ی زیاتر دە‌ربارە‌ی خودای ڕاستە‌قینە فێربن
ئایا فێرکاری و کردارە‌کانی ئایینە پوچە‌ڵە‌کان لە‌سە‌ر تێڕوانینی ئێمە بە‌رامبە‌ر بە خودا کاریگە‌رییان هە‌یە؟ بۆ نموونە: کوڕێک ڕێنماییە ژیرە‌کانی باوکی ڕە‌ت دە‌کاتە‌وە. کوڕە‌کە ماڵە‌کە بە‌جێدە‌هێڵێت و بە ڕێگایە‌کی هە‌ڵە‌دا ڕادە‌کێشرێت، باوکیشی کردارە‌کانی قبوڵ ناکات. بۆچی باوکێک بە‌هۆی یاخیبوون و کردە‌وە خراپە‌کانی کوڕە‌کە‌یە‌وە تاوانبار ناکرێت؟
ئایا دادپە‌روە‌رانە‌یە، کە بە هۆی کارە خراپە‌کانی ئایینە پوچە‌ڵە‌کان یە‌هوە تاوانبار بکە‌ین و نە‌مانە‌وێت باشتر بیناسین؟
هە‌ندێک کە‌س دە‌ڵێن: «من نامە‌وێت هیچ شتێک دە‌ربارە‌ی خودا بزانم، چونکە ئایین کێشە‌ی زۆری دروستکردووە.»
ئایا ئێوە‌ش وا بیردە‌کە‌نە‌وە؟
بۆچی نابێت ئایینە پوچە‌ڵە‌کان کاریگە‌ریان لە‌سە‌ر بۆچوونی ئێمە دە‌ربارە‌ی یە‌هوە هە‌بێت؟
لە کۆتاییدا
ئایینە پوچە‌ڵە‌کان بە فێرکارییە هە‌ڵە‌کانیان و کردارە خراپە‌کانیان خودایان بە‌دناو کردووە. خودا ئە‌م ئایینانە لە‌ناو دە‌بات.
پێداچوونە‌وە
ئێوە هە‌ستان چۆنە دە‌ربارە‌ی فێرکاری و کردارە‌کانی ئایینە پوچە‌ڵە‌کان؟
هە‌ستی یە‌هوە بە‌رامبە‌ر بە ئایینە پوچە‌ڵە‌کان چییە؟
خودا چی لە‌گە‌ڵ ئایینە پوچە‌ڵە‌کان دە‌کات؟
لێکۆڵینە‌وە‌ی زیاتر
ئە‌م گۆڤارە ئە‌وە نیشان دە‌دات کە بۆچی زۆربە‌ی ئایینە‌کان خودا توڕە دە‌کە‌ن.
«ئایا هە‌موو ئایینێک دە‌مانگە‌یە‌نێت بە خودای ڕاستە‌قینە؟» (گۆڤاری ماڵپە‌ڕ)
بۆچی یە‌هوە دە‌یە‌وێت ئێمە لە‌گە‌ڵ کە‌سانیتر ئە‌و بپە‌رستین؟
«ئایا پێویستە ئێمە سە‌ر بە ئایینێکی تایبە‌ت بین؟» (گۆڤاری ماڵپە‌ڕ)
لە‌م گۆڤارە‌دا دە‌خوێنیتە‌وە کە قە‌شە‌یە‌ک پرسیاری لە ئایینە‌کە‌ی خۆی کردووە. بە‌ڵام لە گە‌ڕان بە‌دوای خودای ڕاستە‌قینە‌دا نە‌وە‌ستاوە.
«بۆچی قە‌شە‌یە‌ک کڵێساکە‌ی بە‌جێهێشت؟» (گۆڤاری ماڵپە‌ڕ)
چە‌ندین سە‌دە‌یە ئایینە‌کان بە درۆکانیان خودایان دڕندە نیشان داوە و مرۆڤیان لە خودا دوور خستووە‌تە‌وە. ئە‌م گۆڤارە باس لە سێ لە‌و درۆیانە دە‌کات.
«ئە‌و درۆیانە‌ی کە خە‌ڵک لە خودا دوور دە‌خاتە‌وە» (تاوە‌ری چاودێری، نوامبە‌ر ١، ٢٠١٣)
a لە کتێبی ئاشکراکردن ئایینە پوچە‌ڵە‌کان وە‌ک ژنێکی لە‌شفرۆش بە‌راورد کراوە کە پێی دە‌وترێت بابلی گە‌ورە. بۆ زانیاری زیاتر، ئاماژە بە خاڵی ژمارە‌ی ۱ لە ڕوونکردنە‌وە‌ی زیاتر بکە‌ن.