وانە‌ی ٢٩
دوای مردن چی ڕوودە‌دات؟
ئایا هە‌رگیز کە‌سێکی خۆشە‌ویستت لە‌دە‌ست داوە؟ لە بارودۆخێکی ئاوا ئازاربە‌خشدا لە‌وانە‌یە لە خۆت بپرسیت: دوای مردن چی ڕوودە‌دات؟ ئایا هیوایە‌ک هە‌یە کە جارێکی تر خۆشە‌ویستە‌کە‌مان ببینینە‌وە؟ لە‌م وانە‌یە و لە وانە‌کانی داهاتوودا دە‌بینین کە پەرتووکی پیرۆز وە‌ڵامی ئاسودە بە‌خش بە ئەم پرسیارانە دە‌داتە‌وە.
١. دوای مردن چی ڕوودە‌دات؟
عیسا مردنی بە خە‌وێکی قووڵ بە‌راورد کرد. کە‌سێک کە لە خە‌وێکی قووڵدا بێت نازانێت چی لە دە‌وروبە‌ریدا ڕوودە‌دات. بە‌ڵام بە چ شێوە‌یە‌ک مردن لە خە‌و دە‌چێت؟ ئە‌و کە‌سە‌ی کە دە‌مرێت چیتر هە‌ست بە ئازار ناکات. ئە‌و تە‌نانە‌ت نازانێت کە چیتر لە‌گە‌ڵ خێزان و هاوڕێ نزیکە‌کانی نییە. پەرتووکی پیرۆز دە‌ڵێت: «مردووان هیچ نازانن.»—ژیرمە‌ندی ٩:٥ بخوێنە‌وە.
٢. بۆچی زانینی ڕاستی دە‌ربارە‌ی مردن یارمە‌تیمان دە‌دات؟
زۆر کە‌س لە مردن و مردووە‌کان دە‌ترسن. بە‌ڵام پەرتووکی پیرۆز ڕاستیمان دە‌ربارە‌ی مردن پێ دە‌ڵێت، ئە‌مە‌ش سە‌رچاوە‌ی هاندان و دڵنە‌واییە. عیسا وتی: «ڕاستی ئازادتان دە‌کات.» (یۆحە‌نا ٨:٣٢) بە پێچە‌وانە‌ی فێرکارییە‌کانی هە‌ندێک لە ئایینە‌کان، پەرتووکی پیرۆز ناڵێت کە ڕۆحی کە‌سێک دوای مردن بە‌ردە‌وام دە‌ژی. بۆیە کە‌س لە دوای مردن ئازار ناچێژێت. لە‌بە‌ر ئە‌وە‌ی مردووە‌کان ئاگاداری هیچ شتێک نین، بۆیە نابێت بترسین لە‌وە‌ی کە زیانمان پێبگە‌یە‌نن. مردووە‌کان هیچ هە‌ستێکیان نییە، بۆیە پێویست ناکات هیچ شتێک بکە‌ین بۆ ئە‌وە‌ی دڵخۆشیان بکە‌ین، یان نوێژیان بۆ بکە‌ین، یان تە‌نانە‌ت ئە‌وان بپە‌رستین.
هە‌ندێک کە‌س دە‌ڵێن کە دە‌توانن لە‌گە‌ڵ مردووە‌کان پە‌یوە‌ندی بکە‌ن. بە‌ڵام ئە‌مە مە‌حاڵە، چونکە وە‌ک بینیمان، مردووە‌کان «هیچ نازانن.» ئە‌و کە‌سانە‌ی وا بیردە‌کە‌نە‌وە کە پە‌یوە‌ندییان لە‌گە‌ڵ خۆشە‌ویستە ونبووە‌کانیان گرتووە، لە ڕاستیدا لە‌وانە‌یە پە‌یوە‌ندییان بە دێوە‌کان هە‌بێت، ئە‌و دێوانە خۆیان وە‌ک مردووە‌کان نیشان دە‌دە‌ن. کە‌واتە زانینی ڕاستی دە‌ربارە‌ی مردن ئێمە لە دێوە‌کان دە‌پارێزێت. یە‌هوە سە‌بارە‌ت بە پە‌یوە‌ندیکردن لە‌گە‌ڵ مردووە‌کان ئاگاداری کردوینە‌تە‌وە، چونکە دە‌زانێت کە ئەم کارە پە‌یوە‌ندی لە‌گە‌ڵ دێوە‌کانە و بۆ ئێمە مە‌ترسیدارە.—دواوتار ١٨:١٠-١٢ بخوێنە‌وە.
زیاتر بزانە
لە‌م وانە‌یە‌دا دە‌بینین کە پەرتووکی پیرۆز چی دە‌ڵێت. هە‌روە‌ها فێر دە‌بین کە خودا بە بە‌زە‌یی ئازاری مردووان نادات و زانینی ئە‌مە باوە‌ڕمان بە‌و بە‌هێزتر دە‌کات.
٣. مردووە‌کان بە‌ڕاستی لە چ بارودۆخێکدان؟
لە سە‌رانسە‌ری جیهاندا خە‌ڵک سە‌بارە‌ت بە بارودۆخی مردووە‌کان بۆچوونی جیاوازیان هە‌یە. بە‌ڵام لۆژیکی نییە کە هە‌موو ئە‌و بیرو باوە‌ڕانە ڕاست بن.
لە ناوچە‌کە‌تان خە‌ڵک دە‌ربارە‌ی بارودۆخی مردووە‌کان چۆن بیردە‌کە‌نە‌وە؟
بۆ بینینی ئە‌وە‌ی پەرتووکی پیرۆز چی دە‌ڵێت دە‌ربارە‌ی ئە‌مە، ڤیدیۆکە بکە‌وە.
ژیرمە‌ندی ٣:٢٠ بخوێنە‌وە و دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
بە‌پێی ئەم ئایە‌تە، کاتێک کە‌سێک دە‌مرێت چی بە‌سە‌ر دێت؟
ئایا ڕۆحی بە‌ردە‌وام دە‌ژی؟
پەرتووکی پیرۆز دە‌ربارە‌ی مردنی یە‌کێک لە هاوڕێ نزیکە‌کانی عیسا بە ناوی لە‌عازر باس دە‌کات. یۆحە‌نا ١١:١١-١٤ بخوێنە‌وە و سە‌رنج بدە‌ن کە عیسا چۆن بارودۆخی لە‌عازر ڕوون دە‌کاتە‌وە. دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
عیسا مردنی بە چی بە‌راورد کردووە؟
ئەم بە‌راورد کارییە‌ی عیسا دە‌ربارە‌ی بارودۆخی مردووان چیمان فێر دە‌کات؟
پێتوایە ئە‌وە‌ی پەرتووکی پیرۆز دە‌یڵێت دە‌ربارە‌ی مردن مانایە‌کی هە‌یە؟ بۆچی وا بیردە‌کە‌یتە‌وە؟
٤. زانینی ڕاستی دە‌ربارە‌ی مردن سوودی بۆ ئێمە هە‌یە
ئە‌گە‌ر ڕاستی مردن بزانین، چیتر لە مردووان ناترسین. ژیرمە‌ندی ٩:١٠ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
ئایا مردووە‌کان دە‌توانن ئازارمان بدە‌ن؟
هە‌روە‌ها پەرتووکی پیرۆز نیشان دە‌دات کە مردووە‌کان هیچ هە‌ستێکیان نییە، بۆیە پێویست ناکات هیچ شتێک بکە‌ین بۆ ئە‌وە‌ی دڵخۆشیان بکە‌ین یان تە‌نانە‌ت بیانپە‌رستین. ئیشایا ٨:١٩ و ئاشکراکردن ٤:١١ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
یە‌هوە چ هە‌ستێکی هە‌یە دە‌ربارە‌ی کە‌سێک کە بۆ مردوو نوێژ دە‌کات یان دە‌یە‌وێت یارمە‌تی بدات؟
زانینی ڕاستییە‌کان دە‌ربارە‌ی مردن دە‌بێتە هۆی ئە‌وە‌ی خۆمان لە‌و کارانە‌ی کە یە‌هوە بێزار دە‌کات دوور بگرین
٥. زانینی ڕاستی دە‌ربارە‌ی مردن بە ئێمە دڵگێرمی دە‌دات
زۆر کە‌س پێیان وایە ئە‌گە‌ر شتی خراپ بکە‌ن، دوای مردن ئازار دە‌چێژن. بە‌ڵام دڵخۆشکە‌رە بزانین دوای مردن کە‌س ئازار ناچێژێت،—تە‌نانە‌ت ئە‌وانە‌ی کە کاری زۆر خراپیان کردووە. ڕۆما ٦:٧ بخوێنە‌وە و دواتر لێکۆڵینە‌وە‌ی ئە‌و پرسیارە‌ی خوارە‌وە بکە‌ن:
بە‌پێی پەرتووکی پیرۆز، کاتێک کە‌سێک دە‌مرێت، خودا چیتر بە گوناهباری نازانێت، چونکە تاوانی گوناهە‌کە‌ی بە مردن داوە. کە‌واتە پێتوایە ئەوە لۆژیکە کە کە‌سێک دوای مردنی بە‌هۆی کردە‌وە خراپە‌کانیە‌وە ئازار بچێژێت؟
هە‌ر چە‌ند زیاتر یە‌هوە بناسین، زیاتر تێدە‌گە‌ین کە ئە‌و هە‌رگیز مردووە‌کان ئازار نادات. دواوتار ٣٢:٤ و ١ یۆحە‌نا ٤:٨ بخوێنە‌وە و دواتر لێکۆڵینە‌وە‌ی ئەم پرسیارانە‌ی خوارە‌وە بکە‌ن:
ئە‌و تایبە‌تمە‌ندییانە‌ی خودا کە لە‌م ئایە‌تانە‌دا ئاماژە‌یان پێکراوە چین؟ ئایا دە‌کرێت خودایە‌ک کە ئەم تایبە‌تمە‌ندییانە‌ی هە‌یە بیە‌وێت سزای مردووە‌کان بدات؟
ئایا پێت وایە زانینی ڕاستی دە‌ربارە‌ی مردن ئاسوودە‌ییت پێ دە‌بە‌خشێت؟ بۆچی وا بیردە‌کە‌یتە‌وە؟
هە‌ندێک کە‌س دە‌ڵێن: «من لە مردن دە‌ترسم، چونکە نازانم دوای مردنم چیم بە‌سە‌ر دێت.»
بۆ ئاسودە‌کردنی کە‌سێکی بە‌م جۆرە کام ئایە‌تی پەرتووکی پیرۆز دە‌توانی بە‌کار بهێنیت؟
لە کۆتاییدا
ژیانی مرۆڤ بە مردن کۆتایی دێت، مردووە‌کان ئازار ناچێژن و ناتوانن زیان بە زیندووە‌کان بگە‌یە‌نن.
پێداچوونە‌وە
دوای مردن چی ڕوودە‌دات؟
چۆن زانینی ڕاستی دە‌ربارە‌ی مردن سوودمان پێدە‌گە‌یە‌نێت؟
چۆن زانینی ڕاستی دە‌ربارە‌ی مردن دڵگێرمان دە‌کات؟
لێکۆڵینە‌وە‌ی زیاتر
زۆر کە‌س پێیان وایە کە ڕۆحی مرۆڤ دوای مردنی بە‌ردە‌وام دە‌بێت. ئایا ئە‌مە ڕاستە؟
ئایا خودا تاوانباران لە جە‌هە‌نە‌م سزا دە‌دات؟
ئایا بە‌ڕاستی خودا گوناهباران لە جە‌هە‌نە‌م سزا دە‌دات؟ (٠٧:٣)
ئایا دە‌بێت لە مردووە‌کان بترسین؟
ڕۆحی مردووە‌کان—یارمە‌تیت دە‌دە‌ن یان ئازارت دە‌دە‌ن؟ ئایا بە‌ڕاستی بوونیان هە‌یە؟ (بڵاوکراوە)
ئەم بابە‌تە ئەوە نیشان دە‌دات کە چۆن پیاوێک بە فێربوونی ڕاستییە‌کان دە‌ربارە‌ی مردن ئاسوودە بووە.
«من بە وە‌ڵامە ڕوون و لۆژیکییە‌کانی پەرتووکی پیرۆز سە‌رسام بووم.» (گۆڤاری ماڵپە‌ڕ)