بۆچی عیسا بە‌کوڕی خودا ناو دە‌برێت؟
وە‌ڵامی پەرتووکی پیرۆز
پەرتووکی پیرۆز زۆر جار عیسا بە «کوڕیخودا» ناودە‌بات (یۆحە‌نا ١:٤٩) دە‌ستە‌واژە‌ی «کوڕی خودا» ئەوە دە‌سلمێنێت کە یە‌هوە خودای ئافە‌ریدگار وسە‌رچاوە‌ی هە‌موو ژیانە کە بریتی لە عیساش. (زە‌بوورە‌کان ٣٦:٩؛ ئاشکراکردن ٤:١١) پەرتووکی پیرۆز فێری ئە‌وە‌مان ناکات کە خودا بە‌شێوە‌ی مرۆڤ منداڵی بووە.
پەرتووکی پیرۆز فریشتە‌کان بە «کوڕی خودای ڕاستە‌قینە» ناودە‌بات. (ئە‌یوب ١:٦) و هە‌روە‌ها ئادە‌میش وە‌ک کوڕی خودا ئاماژە‌ی پێکراوە. (لۆقا ٣:٣٨) عیسا یە‌کە‌م ئافە‌ریدە‌ی خودا، و تاکە کە‌س بوو کە ڕاستە‌وخۆ لە‌لایە‌ن خۆیە‌وە ئافرێنرا، لە‌بە‌ر ئەوە پەرتووکی پیرۆز عیسا بە کوڕی یە‌کە‌می خودا ناو دە‌بات.
ئایا عیسا پێش لە‌دایک بوونی لە‌سە‌ر زە‌وی، لە ئاسمان ژیاوە؟
بە‌ڵێ. عیسا پێش ئە‌وە‌ی وە‌ک مرۆڤ لە‌سە‌ر زە‌وی لە‌دایک ببێت بوونە‌وە‌رێکی ڕۆحی بوو لە ئاسمان،.عیسا خۆی فە‌رمووی: «من لە ئاسمانە‌وە دابە‌زیم».—یۆحە‌نا ٦:٣٨؛ ٨:٢٣
پێش ئە‌وە‌ی خوداهیچ شتێکی تر دروست بکات عیسای ئافراند. پەرتووکی پیرۆز سە‌بارە‌ت بە عیسا دە‌ڵێت:
ە‌و « . . نۆبە‌رە‌یە لە سە‌رووی هە‌مو بە‌دیهێنراوانە.»—کۆلۆسی ١:١٥
ئە‌و «سە‌رچاوە‌ی بە‌دیهێنراوە‌کانی خودایە.»—ئاشکراکردن ٣:١٤.
عیسا پێشبینییە‌کە‌ی هێنایە دی سە‌بارە‌ت بە ئە‌وە‌ی کە «رە‌چە‌ڵە‌کی لە دێرزە‌مانە‌وە‌یە»—میخا ٥:٢؛ مە‌تا ٤:٢-٦
پێش ئە‌وە‌ی عیسا بێتە سە‌ر زە‌وی چی دە‌کرد؟
ئە‌و پلە‌یە‌کی ئاسمانی بە‌رزی هە‌بوو. کاتێک عیسا دۆعای کرد ئاماژە‌ی بە‌م هە‌ڵوێستە‌ی کرد: «باوکە لە‌لای خۆت شکۆدارم بکە. . بە‌و شکۆیە‌ی پێشبوونی جیهان لە لای تۆ هە‌مبوو»—یۆحە‌نا ١٧:٥
عیسا یارمە‌تیدە‌ری باوکی بوو بۆ دروست کردنی هە‌موو شتە‌کانی تر. عیسا شان بە شانی خودا وە‌ک کارمە‌ندێکی گە‌ورە کاری کرد. ( پە‌ندە‌کانی سلێمان ٨:٣٠) سە‌بارە‌ت بە عیسا، پەرتووکی پیرۆز دە‌ڵێت: «هە‌موی لە ڕێگە‌ی ئە‌وە‌وە و بۆ ئە‌و بە‌دیهێنران»—کۆلۆسی ١:١٦.
خودا عیساوە بە‌کار هێنا بۆ ئە‌وە‌ی هە‌موو دروستکراوە‌کانی تر بهێنێتە‌دی. ئەم دروستکردنە هە‌موو بوونە‌وە‌رە‌کانی ڕۆحی دیکە‌ش، وهە‌روە‌ها گە‌ردوونی فیزیکیش دە‌گرێتە‌بە‌ر. (ئاشکراکردن ٥:١١). لە هە‌ندێک ڕووە‌وە، ئەم هاوکارییە‌ی نێوان خودا و عیسا وە‌ک ئە‌ندازیارە‌ک وابوو کە لە‌گە‌ڵ بیناسازێک کار بکات. ئە‌ندازیارە‌کە، دیزاینە‌کە دروست دە‌کات بیناسازە‌کە‌یش دیزاینە‌کە دە‌هێنێتە‌دی.
ئە‌و وە‌ک وشە خزمە‌تی کرد. کاتێک باس لە ژیانی پێش مرۆڤی عیسا دە‌کرێت، پەرتووکی پیرۆز عیسا بە «وشە» ناودە‌بات (یۆحە‌نا ١:١) ئاشکرایە، ئە‌مە مانای ئە‌وە‌یە کە خودا کوڕە‌کە‌ی خۆی بە‌کارهێناوە بۆ گە‌یاندنی زانیاری و ڕێنمایی بە بوونە‌وە‌رە‌کانی ڕۆحی دیکە.
هە‌روە‌ها وا دە‌ردە‌کە‌وێت کە عیسا وە‌ک وتە‌بێژی خودا بۆ مرۆڤە‌کانی سە‌رزە‌وی کاری کردووە. لە‌وانیە کاتێک خودا لە باخچە‌ی عە‌دە‌ن ڕێنمایی بە ئادە‌م و حە‌وا دە‌دا لە ڕێگە‌ی عیساوە وە‌ک وشە قسە‌ی کردبێت. (پە‌یدابوون ٢:١٦، ١٧) لە‌وانە‌یە عیسا ئە‌و فریشتە بووبێت کە بە‌ناو چۆڵە‌وانیدا ڕێنمایی نە‌وە‌کانی ئیسرائیلی کۆنی کرد و ئە‌وانیش راستە‌وخۆ گوێرایە‌ڵی دە‌نگی بوون. (دە‌رچوون ٢٣:٢٠-٢٣).a
a وشە تاکە فریشتە نییە کە خودا لە ڕێگە‌ی ئە‌وە‌وە قسە‌ی کرد. بۆ نموونە، خودا جگە لە نۆبە‌رە‌ی خۆی عیسا، لە رێگای فریشتە‌کانیتریشە‌وە بۆ گە‌یاندنی تە‌وراتە‌کە‌ی بۆ ئیسرائیلە کۆنە‌کان کە‌ڵکی وە‌رگرتوە.—کردار ٧:٥٣؛ گە‌لاتیا ٣:١٩؛ عیبرانییە‌کان ٢:٢، ٣.