وانە‌ی ١٥
عیسا کێیە؟
عیسا یە‌کێکە لە کە‌سە بە‌ناوبانگە‌کانی مێژووی مرۆڤایە‌تی. بە‌ڵام زۆر کە‌س هیچ شتێک دە‌ربارە‌ی ئە‌و نازانن جگە لە ناوە‌کە‌ی. هە‌ندێکی دیکە دە‌ربارە‌ی ئە‌و بیرۆکە‌ی جیاوازیان هە‌یە. با بزانین پەرتووکی پیرۆز دە‌ربارە‌ی عیسا چی دە‌ڵێت.
١. عیسا کێیە؟
عیسا ڕۆحێکی بە‌هێزە کە لە ئاسماندا دە‌ژی. خودا پێش هە‌موو شتێکی دیکە دروستی کردووە. لە‌بە‌ر ئەوە لە پەرتووکی پیرۆزدا بە عیسا «نۆبە‌رە‌یە و لە سە‌رووی هە‌موو بە‌دیهێنراو» دە‌وترێت. (کۆلۆسی ١:١٥) بە‌گوێرە‌ی پەرتووکی پیرۆز عیسا «کوڕە تاقانە‌کە‌ی»a خودایە، چونکە تە‌نها عیسا ڕاستە‌وخۆ بە‌دە‌ستی یە‌هوە دروستکراوە. (یۆحە‌نا ٣:١٦) کاتێک یە‌هوە هە‌موو شتێکی دروست کرد، عیسا لە‌گە‌ڵ ئە‌و هاوکاری دە‌کرد. (پە‌ندە‌کانی سلێمان ٨:٣٠ بخوێنە‌وە.) عیسا پە‌یوە‌ندییە‌کی نزیکی لە‌گە‌ڵ باوکی، یە‌هوە هە‌یە. ئە‌و لە پەرتووکی پیرۆزدا بە «وشە‌کە» ناودە‌برێت، چونکە وتە‌بێژی خودایە و بە دڵسۆزییە‌وە پە‌یام و ڕێنماییە‌کانی خودا بە کە‌سانی دیکە دە‌گە‌یە‌نێت.—یۆحە‌نا ١:١٤.
٢. بۆچی عیسا هاتە سە‌ر زە‌وی؟
نزیکە‌ی ٢٠٠٠ ساڵ لە‌مە‌وبە‌ر یە‌هوە خودا موعجیزە‌یە‌کی ئە‌نجامدا و لە ڕێگە‌ی ڕۆحی پیرۆزە‌وە ژیانی عیسای لە ئاسمانە‌وە گواستە‌وە بۆ سکی کچێکی گە‌نج بە‌ناوی مریە‌م. لە ئە‌نجامدا عیسا بە شێوە‌ی مرۆڤ لە دایک بوو. (لۆقا ١:٣٤، ٣٥ بخوێنە‌وە.) یە‌هوە عیسای ناردە سە‌رزە‌و بۆ ئە‌وە‌ی ببێتە مە‌سیحی بە‌ڵێنپێدراو بۆ ئە‌وە‌ی مرۆڤایە‌تی ڕزگار بکات.b کاتێک عیسا گە‌یشتە سە‌ر زە‌وی، هە‌موو پێشبینییە‌کانی پەرتووکی پیرۆز سە‌بارە‌ت بە مە‌سیحی بە‌ڵێندراو هاتنە‌دی، بە‌م شێوە‌یە خە‌ڵک دە‌زانن کە عیسا هە‌مان مە‌سیحی بە‌ڵێندراو و کوڕی خودایە. «تۆ مە‌سیحە‌کە‌یت، کوڕی خودای زیندووی.»—مە‌تا ١٦:١٦.
٣. عیسا ئێستا لە کوێیە؟
کاتێک ژیانی عیسا لە‌سە‌ر زە‌وی کۆتایی هات، خودا بە شێوە‌ی بوونە‌وە‌رێکی ڕۆحیدا زیندووی کردە‌وە بۆ ئە‌وە‌ی لە ئاسماندا بژیێت و لە‌وێشدا «خودا زۆر بە‌رزی کردە‌وە.» (فیلیپی ٢:٩) ئێستا عیسا پێگە‌یە‌کی زۆر بە‌رزی هە‌یە—و تە‌نها پێگە‌ی یە‌هوە خودا لە پێگە‌ی عیسا بە‌رزترە.
زیاتر بزانە
لە‌م وانە‌یە‌دا فێر دە‌بین کە عیسا بە‌ڕاستی کێیە و بۆچی گرنگە بیناسین.
٤. عیسا خودای هە‌رە بە‌توانا نییە
بە‌گوێرە‌ی پەرتووکی پیرۆز، عیسا بوونە‌وە‌رێکی ڕۆحێ بە‌هێزە لە ئاسمان. بە‌ڵام هە‌میشە گوێڕایە‌ڵی یە‌هوە خودا باوکی دە‌کات. ئە‌مە چۆن دە‌زانین؟ ڤیدیۆکە بکە‌وە و ببینه کە چۆن پێگە‌ی عیسا جیاوازە لە پێگە‌ی خودای هە‌رە بە‌توانا.
ئەم ئایە‌تانە‌ی خوارە‌وە پە‌یوە‌ندی نێوان یە‌هوە و عیسا نیشان دە‌دە‌ن. ئایە‌تە‌کان بخوێننە‌وە و دواتر لێکۆڵینە‌وە‌ی ئە‌و پرسیارانە‌ی خوارە‌وە بکە‌ن:
لۆقا ١:٣٠-٣٢ بخوێنە‌وە.
بە گوێرە‌ی فریشتە‌کە پە‌یوە‌ندی نێوان عیسا و یە‌هوە خودای «هە‌رە‌بە‌رز» چییە؟
مە‌تا ٣:١٦، ١٧ بخوێنە‌وە.
کاتێک عیسا لە ئاو هە‌ڵکێشرا، ئە‌و دە‌نگە لە ئاسمانە‌وە چی گوت؟
پێتوایە ئە‌و دە‌نگە کێ بوو؟
یۆحە‌نا ١٤:٢٨ بخوێنە‌وە.
لە نێوان باوک و کوڕدا کامیان گە‌ورە‌تر و بە‌هێزترە؟
بۆچی عیسا یە‌هوە‌ی بە «باوک» ناو دە‌برد؟
یۆحە‌نا ١٢:٤٩ بخوێنە‌وە.
ئایا عیسا لە‌م ئایە‌تە‌دا دە‌ڵێت کە خۆی و باوکی یە‌ک شە‌خسن؟ ئێوه چۆن بیردە‌کە‌نە‌وه؟
٥. چۆن بزانین کە عیسا مە‌سیحی بە‌ڵێندراو بوو؟
پێشبینییە‌کانی پەرتووکی پیرۆز یارمە‌تی خە‌ڵک دە‌دە‌ن کە بزانن مە‌سیح کێیە—واتە ئە‌و کە‌سە‌ی کە خودا بۆ ڕزگار کردنی مرۆڤایە‌تی هە‌ڵیبژاردووە. ڤیدیۆکە بکە‌وە و ئە‌و پێشبینییانە بپشکنە کە بە هاتنی عیسا بۆ سە‌رزە‌وی هاتە‌دی.
ئەم پێشبینییانە‌ی پەرتووکی پیرۆز بخوێنە‌وە و دواتر لێکۆڵینە‌وە‌ی ئە‌و پرسیارانە‌ی خوارە‌وە بکە‌ن:
میخا ٥:٢ بخوێنە‌وە و سە‌رنج بدە‌ن کە عیسا مە‌سیح دە‌بوو لە کوێ لە‌دایک بێت؟c
ئایا ئەم پێشبینییە بە لە‌دایکبوونی عیسا هاتە‌دی؟—مە‌تا ٢:١.
زە‌بوورە‌کان ٣٤:٢٠ و زە‌کە‌ریا ١٢:١٠ بخوێنە‌وە و بە پێشبینییە‌کان دە‌ربارە‌ی مردنی عیسا مە‌سیح سە‌رنج بدە‌ن.
ئایا ئەم پێشبینییانە هاتنە‌دی؟—یۆحە‌نا ١٩:٣٣-٣٧.
پێتوایە عیسا دە‌یتوانی ببێتە هۆی ئە‌وە‌ی مردنە‌کە‌ی بە‌تە‌واوی وە‌ک پێشبینیکراوە ڕووبدات؟
ئە‌مە چی دە‌ربارە‌ی ناسنامە‌ی عیسا نیشان دە‌دات؟
٦. لە ناسینی عیسا دە‌توانین سوود وە‌ربگرین
بە‌پێی پەرتووکی پیرۆز، زۆر گرنگە کە عیسا بناسین و بزانین لە بە‌دیهێنانی خواستی خودا چ ڕۆڵێکی هە‌یە. یۆحە‌نا ١٤:٦ و ١٧:٣ بخوێنە‌وە و دواتر لێکۆڵینە‌وە‌ی ئەم پرسیارە‌ی خوارە‌وە بکە‌ن:
بۆچی ناسینی عیسا زۆر گرنگە؟
عیسا ڕێگای دۆستایە‌تی لە‌گە‌ڵ خودای کردە‌وە، ئە‌و ڕاستییە‌کانی دە‌ربارە‌ی یە‌هوە فێرکرد تا ئێمە بتوانین ژیانی هە‌تاهە‌تایی بە‌دە‌ست بهێنین.
هە‌ندێک کە‌س دە‌ڵێن: «شاهیدانی یە‌هوە باوە‌ڕیان بە عیسا نییە.»
ئە‌گە‌ر کە‌سێک ئە‌مە‌ت پێ بڵێت، چۆن وە‌ڵامیان دە‌دە‌یتە‌وە؟
لە کۆتاییدا
عیسا بوونە‌وە‌رێکی ڕۆحی بە‌هێزە و لە پەرتووکی پیرۆزدا بە «کوڕی خودا» و «مە‌سیحی بە‌ڵێندراو» ناودە‌برێت.
پێداچوونە‌وە
بۆچی عیسا لە پەرتووکی پیرۆزدا بە «نۆبە‌رە‌ی هە‌موو دروستکراوە‌کان» ناودە‌برێت؟
عیسا پێش ئە‌وە‌ی بێتە سە‌ر زە‌وی چی دە‌کرد؟
چۆن بزانین عیسا مە‌سیحی بە‌ڵێندراوە؟
لێکۆڵینە‌وە‌ی زیاتر
لە‌م بابە‌تە‌دا زانیاری زیاتر دە‌ربارە‌ی ڕۆڵی عیسا وە‌ک مە‌سیحی بە‌ڵێندراو بە‌دە‌ست دە‌هێنن.
کاتێک پەرتووکی پیرۆز دە‌ڵێت کە عیسا کوڕی خودایە، ئایا ئەوە بە‌و مانایە‌یە کە خودا هاوسە‌ری هە‌بووە و وە‌ک مرۆڤە‌کان منداڵی بووە؟
لە‌م بابە‌تە‌دا بزانە کە بۆچی سێیە‌کی لە‌سە‌ر بنە‌مای پەرتووکی پیرۆز نییە.
کاتێک ژنێک لە پەرتووکی پیرۆزدا لێکۆڵینە‌وە‌ی لە‌سە‌ر عیسا کرد، ژیانی گۆڕا.
a لە پەرتووکی پیرۆزدا، دە‌ستە‌واژە‌ی «کوڕی خودا» مانای مە‌جازی هە‌یە، چونکە خودا وە‌ک مرۆڤ گۆشت و خوێن نییە بۆ ئە‌وە‌ی منداڵی ببێت. تە‌نانە‌ت فریشتە‌کان و مرۆڤە‌کانیش پێیان دە‌گوترێت «کوڕی خودا». (ئە‌یوب ٢:١؛ لۆقا ٣:٣٨.)
b لە وانە‌ی ٢٦ و ٢٧دا، لێکۆڵینە‌وە لە‌وە دە‌کە‌ین کە مرۆڤە‌کان دە‌بێت لە چی ڕزگاریان بێت و عیسا چۆن ڕێگە‌ی ڕزگاربوونی بۆیان کردە‌وە.
c ببینە لە پەرتووکی پیرۆزدا ساڵی دە‌رکە‌وتنی عیسا مە‌سیح لە‌سە‌ر زە‌وی پێشبینی کراوە. بۆ لێکۆڵینە‌وە‌ی ئەم پێشبینییە، ئاماژە بە خاڵی دووە‌م لە بە‌شی ڕوونکردە‌نە‌وی زیاتر بکە‌ن.