Lucas
21 Maabea, dauba ʉtaa ochiasiiɗe, unusii chi aude bara nureerãba chi bauraɗe tesoro eɗa chi nejarra bʉikamaa duanuu. 2 Ara jãuɗe unusii pẽedrãa niiba aude nesita kiɗiiba kuɓusiiɗe moneda ome akawa eɗaburu vale ɓuuɗebena, 3 maabea jarasii: “Mʉa jaraburuu cha nii pẽedrãaba poore niiba kuɓusii cha naarã aude. 4 Jomaurãba dea panuu chi ʉ̃rʉ ɓeeɗáturu, cha nau poore niiba eɗa kuɓusii joma ichi nibai baitabena baɗa”. 9 Mauɗe ũribudauɗe guerrarã, mauɗe chĩobikabudauɗe, ãrĩã perarãbaɗa cha naarã kosarãturu naa pasabaraai chi joma kachirua ara jãuɗe acabaabayua. 10 Maabea jarasia: “Puuru choroma aɓabena puuru choroma ome peleaɗai mauɗe kobierno ãchi chiya pelea duanaɗai. 11 Ioro urikoɓeeburuuɗe kuapetakuaburuu eɗa wawarea, jarrbisia duanaɗapeɗa, ẽperma duanaɗai. Mauɗe unuɗayua chi cosa mia mechibena koɓeeburuu mauɗe bajãaɗe mechibena koɓeeburuu unubia koɓeeyua. 19 Choroaɓuubʉrã machi bida salbaɗayua. 20 ”Makarã, unubudauɗe Jerusalén chi ejercitorãba aɗu purra kãi kopaneebudauɗe, kawábaɗa jãu ãritaɗai kaita koɓeesii. 21 Makarã, chi Judeaɗe duanuurã, miru wãuríbada modeɗaa; chi Jerusalén tãeɗe duanuurã, wãuriɗayua jãmabena, mauɗe druaɗe duanuurã, jãma aria neerã́bada. 24 Biuɗapeɗa jeeɗa ɓaeɗayua chi neko peeɗea ɓuuba maabea carcelɗaa uaɗoɗayua jomaurã puuru choromarãɗaa; mauɗe puuru choromarãba Jerusalén acabataɗayua hasta chi tiempo jaraɗa baɗa cumpliburuuɗaa puuru choromarãɗebenaba. 31 Machia nau unukopaneebudauɗe, kuitaasturu Dachi Akõre Kobierno ara kaita kãrii.