Sección 7 ʉ̃rʉbena

Nau seccionɗe nebʉrʉ ɓuu rey Saúl mauɗe rey Davidɗebena, chi 80 añoɗe pasaɗa baɗa. Naeɗeeɗa, Saúl juakayaswẽa nibasia mauɗe Dachi Akõre ũri nibaɗa. Maaɗakare, ichi juakaya ãrĩã nibaɗe wãpeɗa Jeowa beɗea ũri kʉ̃riabasii. Mauɗéburu, Jeowa biɗa ichi amaaɗa baɗa, maabae Samuelmaa jarasii David boro ʉ̃rʉ aceite ea bʉeyua rey babii baita. Saulba David envidiaɗa baɗa maabae bea kʉ̃ria ɓoosii. Maka ɓumina, Davidba Saúl akawa kachirua ase kʉ̃riabasia. Jonatán, Saúl warr, ichia kuitaa ɓoosii Jeowaba Davídturu jʉrʉɗa baɗa, mauɗéburu ichi baara ãbua nibasii. Davidba pekao choroma ãrĩã aseɗa basmina, ichia ijãaɗa baɗa Jeowaba ichimaa iadaasiiɗe. Bichi warrarã bara niibʉrã, kawabiba importante ãrĩã ɓuu ijãayua joma Jeowaba jaraburuu dachia aseɗayu.