Sección 8 ʉ̃rʉbena

Jeowaba Salomón kuitaa ãrĩã nibabiɗa basia, templo karaabi ɓoosii, jãu trajo biʼia ãrĩã basia. Ichi ɓiɗĩi ɓiɗĩia Jeowa jʉ̃kaabena wãɗa basia. Bichi warr bara niibʉrã, kawabiba chi ẽbẽrarã junebenarã dios kʉ̃ria nureerãba Salomón Jeowa baara nibaɗa ɓuibipeɗaaɗa basia. Chi reino aɓaburu baɗa omerãɗe ɓeesia mauɗe chi reyrã kachirua nureerãba ẽbẽra Jeowa baara nureaɗa ɓuibipeɗaaɗa basia, maabae junebenarã dios kʉ̃riabipeɗaaɗa. Jãu ewariɗe, chi profetarã Jeowa baara nureaɗa kaaɗe jʉrʉɗapeɗa beakuasiɗaa. Chi reino norteɗebenaɗe chi reina Jezabelɗeeba ãrĩãrãba Jeowa ɓuipeɗaaɗa basia junebenarã dios kʉ̃ria nureaɗayua. Jãarã diarã Israelɗebenarã baita kachirua ãrĩã koɓeeɗa. Maka ɓumina, israelitarã ãrĩã jipa nureaɗa basia Jeowa ome, chi rey Jehosafat mauɗe chi profeta Elías kĩraka.