Baibal Cawnpiakmi

Pathian nih min a ngei maw?

MI CHEUKHAT ZUMHNING Pathian cu min a ngei lo tiah mi cheukhat nih an ti. A cheu nih ‘Pathian’ asiloah ‘Bawipa’ a si an ti i a cheu nih cun min tampi a ngei tiah an ti. Nangtah zeitindah na ruah?

BAIBAL CAWNPIAKMI

“Nangmah lawnglawng hi BAWIPA [Jehovah, NW] na si le vawlei dihlak uktu Cungnung Bik na si kha hngal hna seh!”—Salm 83:18.

BAIBAL IN KAN CAWN KHAWH RIHMI

• Pathian cu upatnak min tampi a ngei ko nain amah tein aa pekmi min taktak cu pakhat lawng a si.—Exodus 3:15, NW.

• Pathian cu theihhngalh khawh lomi a si lo; a kong kha ka hngal hna seh ti a kan duh.—Lamkaltu 17:27.

• Pathian he pehtlaihnak ṭha kan ngeih khawh nakhnga kan tuah hmasa bik ding kehlan cu a min hngalhnak hi a si.—Jeim 4:8.

Pathian min awchuah in chim cu a palh maw?

ZEITINDAH NA RUAH?

• A palh

• A palh lo

• Thil sining cungah aa hngat

BAIBAL CAWNPIAKMI

“BAWIPA nan Pathian min cu ningcang loin hmang hlah u.” (Exodus 20:7) Pathian min kha upat lo le zei rel loin kan hman lawngah a palh.—Jeremiah 29:9.

BAIBAL IN KAN CAWN KHAWH RIHMI

• Jesuh nih Pathian min kha a hngalh i a hman. —Johan 17:25, 26.

• Pathian nih a min kha hmanter a kan duh. —Salm 105:1.

• Pathian a min kha mi nih an philh nakhnga a ral pawl nih an i zuam.—Jeremiah 23:27.