Mekazin He Aa Tlaiin Chim Ding

Vennak Innsang Oct. 15

“Hmai lei kong hi a fiang lo tukmi a si i nihin ca lawng i nun hi a ṭha bik a si ko tiah mi tampi nih an ruah. Nang tah zeitindah na ruah? [A bialehnak kha hngak.] Mah kongah Jesuh chimmi bia hi theih duh awk ngai a si. [Matthai 6:34 rel.] Hmailei caah zeidah tuah khawh a si ti le lungretheih tuknak kha zeitindah hrial khawh a si kha hi mekazin nih a fianter.”

I Hlau! Oct.

“Dawtmi pakhatkhat thih taknak kha mi kip nih kan ton. Vancung in an kan cawngh tiah na ruat maw? [A bialehnak kha hngak.] Lazaruh a thih lioah Jesuh nih hitin a chim. [Johan 11:11 kha rel.] A thimi hna ka khatkhat ah an nung maw asiloah thawhṭhannak caan tiang thihnak ah an i hngilh maw timi kong hi capar nih a fianter.” Cahmai 10 capar kha hmuhsak.

Vennak Innsang Nov. 1

“Minung nih toidornak lungthin an ngeih deuh a si ahcun vawlei hi a ṭha deuh lai tiah na ruat maw? [A bialehnak kha hngak.] Toidornak he aa tlai in Jesuh nih hitin a chim. [Matthai 23:12 kha rel.] Mi tei dunnak a tammi hi vawlei hmanh ah toidornak lungthin ngeihnak a man kha hi mekazin nih a fianter.”

I Hlau! Nov.

“Science fimnak a karh i lunghrinnak in a khatmi tuchan ah Baibal hi chan he aa tlak ti lo tiah mi tampi nih an ruah? Nang tah zeitindah na ruah? [A bialehnak kha hngak.] Baibal chung i science he aa tlaimi kong a hmaan dih ti kha na hngal maw? [Job 26:7 rel.] Baibal hi zeicah biatak tein zumh khawh a sinak a ruang kha hi special in chuahmi I Hlau! nih a fianter.”