Sertu Cungah A Fekmi Zumhnak Ngeih Khawh Awkah Na Fa Kha Bawm

Sermi thil hna nih Jehovah sunparnak kha an thanh. (Salm 19:1-4; 139:14) Asinain Satan vawlei nih cun nunnak aa thawknak kong he aa tlaiin Pathian thang a chiattermi ruahnak hna kha a hlorh. (Rom 1:18-25) Nulepa nih fale lungthin chungah cu bantuk ruahnak hna hram aa sih nakhnga lo zeitindah kilven khawh a si? Jehovah cu a um taktakmi a si i pumpak pakhat cio a kan zohkhenh ti kha na fa nih a zumh khawh nakhnga a ngakchiat lio tein bawm. (2 Kor. 10:4, 5; Efe. 6:16) Sianginn ah an cawnmi kong he aa tlaiin a ruahnak kha hngalhthiam awkah i zuam. Cun a lungthin chungah a luh khawh nakhnga bawmtu a simi hriamnam hna kha hmang.—Ptb. 20:5; Jeim 1:19.

ṬHIRUAL PAWL NIH AN CHIMMI—PATHIAN KA ZUMHNAK A RUANG TIMI VIDEO KHA ZOH LAW MAH BIAHALNAK HNA HI I RUAH U:

• Pathian zumhnak he aa tlaiin mi tampi ruahnak cu zeidah a si?

• Sianginn ah zeidah nan cawn?

• Jehovah cu a um taktakmi a si kha zeinihdah aan zumhter?

• Pathian nih thil vialte a ser ti hngalh awkah mi pakhat kha zeitindah na bawmh khawh?