Na Innchungkhar Kha Kilveng

Jehovah nih ṭhitum biakamnak kha biapi tuk in a hmuh. Cucaah nuva cu pakhat le pakhat naih tein an um awk a si tiah a ti. (Matt. 19:5, 6) Pathian mi hna lakah aa nuammi chungkhar tampi an um. Asinain a tlingmi chungkhar cu a um lo. Buaibainak tampi a chuak kho. Mi tampi nih ṭhennak le i maknak kha buaibainak tawnghthamnak lam in an hmuh, mah kha kan i zohchunh hna awk a si lo. Khrihfa hna nih an innchungkhar kha zeitindah an kilven khawh?

A biapimi kehlan panga hi zohhmanh.

1. Chungkhar ah buaibainak a chuahter khomi zuanzamnak le ziaza rawhralnak aa telmi nuamhsaihnak ti bantuk hrialnak thawngin na lungthin kha kilveng.—Matt. 5:28; 2 Pet. 2:14.

2. Pathian he nan i pehtlaihnak kha fehter law nan innchungkhar ah a lunglawmhter na duhnak kha ṭhanter.—Salm 97:10.

3. Mihring thar kha i hruk zungzal law na innchunghawi ṭhatnak a pe hngami dawtnak langhternak thil hmetete kha tuah.—Kol. 3:8-10, 12-14.

4. Upatnak he chawnbia peng.—Kol. 4:6.

5. Dawtnak le zawnruahnak he nuleva sinak kha hmang u.—1 Kor. 7:3, 4; 10:24.

Khrihfa hna nih chungkhar an upatmi cu chungkhar a Dirhtu Jehovah an upatmi a si.

‘INKHAWHNAK HE KAN TLIK AWK A SI’—ZUAMNAK DINGREP HNA KHA ZUL TIMI VIDEO KHA ZOH LAW MAH BIAHALNAK HI PHI:

• 

  Chungkhar pakhat cu ṭha tein dirh a si ko nain zei zuamcawhnak hna dah a chuak kho?

• 

  Chungkhar ah dawtnak a um lo tiah a ruatmi hna kha Baibal phunglam nih zeitindah a bawmh khawh hna?

• 

  Jehovah nih chungkhar caah zei phunglam hna dah a ser?

• Chungkhar hlawhtlin awkah nuva hna nih an pahnih in zeidah an tuah a herh?