Cawnpiaknak ah Video Hmang

Jehovah nih Abraham le Jeremiah kha a biapimi kong a cawnpiak hna tikah a chimh sawhsawh lawng in si loin an hmuh khawhmi thil zong a hmuhsak hna. (Gen. 15:5; Jer. 18:1-6) Baibal kan cawnpiakmi  nih Baibal biatak kha a hngalhthiam i  a  sunsak  nakhnga  video  ti  bantuk  hmuh khawhmi thil kha kan hman khawh. A tanglei ah video cheukhat kha zeitik ah dah hman khawh a si timi ruahnak cheuhnak a um. Baibal kan cawnpiakmi hna cu an i dan cio caah mah lamhruainak hna hi zulh hrimhrim ding timi phunglam cu a si lo.

Baibal Cawnpiakmi cauk

◻ Ṭhen 1: Catlangbu 17 a dih hnuah Khuaruahhar a Simi Sermi Thil nih Pathian Sunparnak a Langhter [Mirang] timi kha zoh u

◻ Ṭhen 2: A dihlak in nan rel hnuah Baibal—Chan He Aa Tlakmi A Hlun Bikmi Cauk timi kha zoh u

◻ Ṭhen 9: Catlangbu 14 a dih hnuah Jehovah Tehte Hna—Thawngṭha Chim awkah Dirh An Si timi kha zoh u

◻ Ṭhen 14: A dihlak in nan rel hnuah Baibal —Na Nunnak ah A Ṭhawn Ning timi kha zoh u

◻ Ṭhen 15: Catlangbu 10 a dih hnuah Vawlei Pumpi Kan Unau Rual timi kha zoh u

“Pathian Dawtnak” cauk

◻ Ṭhen 3: Catlangbu 15 a dih hnuah Mino hna Biahalnak—Zeitindah Hawikom Ṭha tak Ser Khawh A Si? [Mirang] timi kha zoh u

◻ Ṭhen 4: A dihlak in nan rel hnuah ah Jehovah Nawlngeihnak kha Upat [Mirang] timi kha zoh u

◻ Ṭhen 7: Catlangbu 12 a dih hnuah Thi A Haulo—Zuamcawhnak kha Sii Nih A Ton [Mirang] timi kha zoh u

◻ Ṭhen 9: Catlangbu 6 a dih hnuah Kanmah Chan Caah Ralrinnak Pekmi Zohchun awk Hna [Mirang] timi kha zoh u

◻ Ṭhen 17: A dihlak in nan rel hnuah Mithmuh in Si lo in, Zumhnak in Kalnak timi kha zoh u

Baibal na cawnpiakmi caah a ṭhahnem hngami a dang video tah a um maw? Tahchunhnak ah, Baibal a hmaannak cung ah a lung a hringmi a si ahcun Baibal—Tuanbia Hmaan, Zumhtlakmi Chimchungbia timi video hmang in na bawmh khawh. Baibal na cawnpiakmi cu ngakchia a si ahcun Jehovah Hawikom Si—Ngai law, Zul law, Thluachuah Hmu timi cartoon video na piah piak khawh. Khenkhamnak a tongmi a si ahcun Harnak Lakah Zumhfek tein An Um—Soviet Union i Jehovah Tehte Hna [Mirang] asiloah Jehovah Tehte Hna nih Nazi Hremnak kha Fek tein An Inkhawh [Mirang] timi video a zohnak in thazaang a hmu kho. Mino a si ahcun Pathian Upatnak a Pemi Tinhnak hna kha Phanh khawh i Zuam [Mirang] asiloah Mino Biahalnak—Ka Nun chungah Zeidah Ka Tuah lai? [Mirang] timi video zohnak in ṭhatnak a hmu kho. Zeitikah dah Baibal na cawnpiakmi he video zoh awk asiloah video khuai hlanh awk a si ti hngalh awkah Baibal Cawnpiakmi le “Pathian Dawtnak” timi na cauk ah cinkennak ca i ṭial. Video thar an chuah tikah Baibal ka cawnpiakmi a lung suk khawh awkah mah kha zeitindah ka hman khawh lai ti kha ruat.—Luka 24:32.