Jehovah A Dawmi Hna He Caan Hmangṭi

Jehovah a dawmi hna he zeicah caan kan hmanṭi awk a si? Kanmah he caan a hmangṭimi hna cu a ṭhatnaklei a si ah, a chiatnaklei a si ah kan cungah huham an ngei. (Ptb. 13:20) Tahchunhnak ah, Siangpahrang Jehoash cu Tlangbawi Ngan Jehoiada he an i komh caah “BAWIPA mithmuh i a dikmi kha a tuah.” (2 Ch. 24:2) Jehoiada a thih hnuah Jehoash nih hawiṭhalo hna ruangah Jehovah kha a kaltak.—2 Ch. 24:17-19.

AD kumzabu pakhatnak ah lamkaltu Paul nih Khrihfabu kha “inn nganpi” he, cun Khrihfabu chungmi hna kha “umkheng a phunphun” asiloah innchung thilri he a tahchunh hna. Kan chungkhar asiloah Khrihfa unau an si hmanhah Jehovah duhnak a tuah lomi he naih tein i komh kha kan hrial ahcun ‘a man a sungmi um’ kan si zungzal lai. (2 Tim. 2:20, 21) Cucaah Jehovah a dawmi le amah biak awkah tha a kan pemi hna he i kom zungzal hna u sih.

HAWIṬHALO HRIAL KHAWH NING KHA CAWNG TIMI VIDEO KHA ZOH LAW BIAHALNAK HNA HI PHI:

• Hawiṭhalo pawl cu zei ti lam in dah kan nunnak ah an hun luh khawh?

• Unau pathum cu hawiṭhalo pawl he i komh ti lo awkah zeinihdah a bawmh hna?

• Hawikom ṭha i thim awkah zei Baibal phunglam nih dah aan bawmh khawh?