Online i Na Hawile cu Ahote Dah an Si?

Hawikom timi cu “dawtnak asiloah upatnak thawngin pakhat le pakhat i tlaihchannak” ti sullam a ngei. Tahchunhnak ah, David nih Goliath a thah hnuah Jonathan le David cu a fekmi hawikomhnak an hun ngei. (1 Sam. 18:1) An pahnih in midang hawikom si a duhtermi sining an ngei. Cucaah a fekmi hawikomhnak cu a hmaanmi hngalhnak cungah hram aa bunh. Midang kong ṭha tein hngalh khawh awkah a caan le thazaang pek a hau. Asinain Internet in pehtlaihnak ah cun kan kut in voikhat te kan hmehnak men in midang he “hawikom” kan hung si kho. Online a hmangmi hna nih zeidah kan chim lai ti kha an i timtuah chung kho i midang nih an hmuh hna ning kha ri pakhat tiang an remh khawh caah an sining taktak thuh cu an caah a fawi tukmi a si. Cucaah zei bantuk minung dah hawikom in ka cohlan hna lai timi kong he aa tlaiin biakhiahnak tuah cu a ṭhami a si. Social media ah na hngalh lomi pakhatkhat nih hawikom si dingin aan sawm ahcun a lung ka fahter sual lai tiin al ding asiloah cohlan lo ding kha ṭih hlah. A chuak khomi ṭih a nungmi thil hna ruangah mi cheukhat nih cun social media hman lo dingin an i thim. Asinain social media hman dingin naa thim ahcun zeidah naa cinken awk a si?

INTERNET IN PEHTLAIHNAK AH A FIMMI SI TIMI VIDEO KHA ZOH LAW MAH BIAHALNAK HI PHI:

• 

  Hmanthlak na taar hlan le comment na pek hlanah zeidah na ruah awk a si?

• 

  Online ah zeicah hawikom kha ralring tein naa thim awk a si?

• 

  Social media na hman caan kha zeicah ri na khiah awk a si?—Efe. 5:15, 16