CAWN DINGMI 4

Aa Tlak Ningin Baibal Caang Hna Hngalhternak

Matthai 22:41-45

A TAWINAK: Baibal caang na rel hlanah a ngaitu lungthin kha timhtuahpiak.

Baibal caang na relnak a ruang kha ruat. Baibal caang chungin langhter na duhmi kong kha a ngaitu hna nih an hngalhthiam nakhnga Baibal caang kha hngalhternak tuah.

Baibal caang i a hnuhmai bia kha zoh. Baibal na rel hlanah mah kong kha aho nih dah a chim ti le aho nih dah a ṭial ti kha hmaan tein chim.
Baibal kha nawlngeitu in cherhchan. Pathian a zummi hna he bia nan i ruah tikah Baibal cu Pathian Bia a si ti kha hngalhter hna. Mah nih Pathian bia ningin na cawnpiak hna ti kha a hngalhter hna lai.
Baibal cungah lungthawhnak ngeihter hna. Baibal caang ah a phi a ummi biahalnak pakhat kha hmang. Baibal ah tawnghtham ning a langhtermi buaibainak pakhat kong kha chim. Baibal in hngalh khawhmi phunglam pakhat kha langhter.

A kong pakhat he aa tlaiin Baibal ah a langhtermi kha a ngaitu hna nih zeitluk in dah an hngalh ti kha ruat. An hngalhmi Baibal caang a si hmanhah hmuh ning dang in rel in ruah awkah bawm hna.