Perchè i Testimoni di Ghjehova pàssanu ind’a ghjente chì hà digià una religione ?

Emu rimarcatu chì parechji frà quelli chì anu digià una religione li piace à parlà di tema bìblichi. Eppo ùn furzemu à nimu à stà à sente u nostru missaghju. Rispittemu u dirittu d’ognunu d’avè e so pròprie credenze.

Quandu parlemu religione cù qualchissìa, femu di u nostru megliu per parlà cù « buntà è un gran rispettu », cum’è ci l’arricumanda a Bìbbia (1 Petru 3:15). A sapemu bè, tutt’ognunu ùn ne vulerà micca di u nostru missaghju (Matteu 10:14). Detta quessa, fintantu ch’ùn si parla cù qualchidunu, ùn si pò cunnosce u so parè. Di più, a sapemu chì a situazione di a ghjente pò scambià.

Certi sò affaccendati quandu passemu à vedeli, ma forse un antru ghjornu averanu u tempu. D’altri riscontranu difficultà o un scambiamentu di situazione chì i purterà à dà capu à a Bìbbia. Eccu perchè passemu torna è torna à vede a ghjente.