Perchè i Testimoni di Ghjehova vanu à vede quelli chì li anu dettu ch’elli ùn èranu micca interessati ?

Ghjè per amore per Diu è u so pròssimu chì li piace à i Testimoni di Ghjehova di parlà di u missaghju di a Bìbbia cun tutti, ancu puru cun quelli chì li anu dettu ch’elli ùn èranu micca interessati (Matteu 22:37-39). U so amore per Diu i porta à ubbidì à u cummandamentu di u so Figliolu di « predicà » (Atti 10:42 ; 1 Ghjuvanni 5:3). Ghjè per quessa chì torna è torna pàrlanu di u missaghju di a Bìbbia à a ghjente, à l’esèmpiu di i prufeti di Diu di l’antichità (Ghjerèmia 25:4). Cume vulemu u bè à u nostru pròssimu, circhemu di trasmette à tutti a « bona nova di u Reame » chì pò salvà vite. Ancu à quelli chì prima, ùn èranu micca interessati (Matteu 24:14).

Emu spessu bone discosse quandu vultemu à vede ghjente chì prima ùn èranu micca interessate. Ci hè trè ragiò à què :

• A ghjente pò scambià di casa

• D’altri di a listessa casa ponu interessassi à u nostru missaghju

• A ghjente pò scambià. L’attualità mundiale o situazione persunale ponu purtà a ghjente à esse « cuscente[i] di i so bisogni spirituali » è interessassi à u missaghju di a Bìbbia (Matteu 5:3). Ancu quelli chì mòstranu upposizione ponu scambià di dispusizione d’ànima, cum’è l’hà fattu l’apòstulu Pàulu (1 Timuteu 1:13).

Però, ùn furzemu à nimu à accettà u nostru missaghju (1 Petru 3:15). Pensemu ch’ellu appartene à ognunu di sceglie a so religione (Deuterònumu 30:19, 20).