I Testimoni di Ghjehova sò creaziunisti ?

Innò. Cridimu chì Diu hà creatu tutte e cose. Ma ùn simu micca d’accordu cù a teurìa di u creaziunìsimu. Perchè ? Perchè i cuncetti creaziunisti ùn s’accòrdanu micca cù ciò chì dice a Bìbbia. Eccu qualchi esèmpii :

1. A lunghezza di i sei ghjorni di creazione. Certi creaziunisti dìcenu chì i sei ghjorni di creazione eranu ghjorni di 24 ore. Ma a parolla « ghjornu » indè a Bìbbia pò indettà un spaziu di tempu longu longu (Gènesi 2:4 ; Salmu 90:4).

2. L’età di a Terra. Certi creaziunisti dìcenu chì a Terra ùn hà chè qualchi millài d’anni. Però, d’appress’à a Bìbbia, a Terra è l’Universu esistìanu nanzu i sei ghjorni di creazione (Gènesi 1:1). Ghjè per quessa chì i Testimoni di Ghjehova ùn rimèttenu micca in càusa e ricerche scientìfiche sèrie dicendu chì a Terra averìa miliardi d’anni.

I Testimoni di Ghjehova crèdenu à a creazione, ma ùn sò micca contr’à a scienza. Sò cunviti chì i fatti scientìfichi s’accòrdanu cù a Bìbbia.