Perchè i Testimoni di Ghjehova ùn vòlenu micca e trasfusione di sangue ?

Ciò chì parechji pènsanu

Certi dìcenu : I Testimoni di Ghjehova à a medicina ùn ci crèdenu è ùn si fàcenu micca curà.

In realità : Ricirchemu i mègli trattamenti pussìbule per noi stessi è pè i nostri figlioli. Quandu avemu un prublema di salute, andemu à vede i duttori chì anu e cumpetenze per curà è operà senza ghjuvassi di u sangue. Per ciò chì tocca a medicina, ricunnuscimu è apprezzemu i so prugressi. D’altronde, i trattamenti senza trasfusione sviluppati per curà i malati Testimoni prufìttanu oghje à tutti. In parechji paesi, ogni malatu pò oramai sceglie di pruteghjesi contru i rìsichi in leia cù a trasfusione, cum’è e malatìe chì u sangue trasmette, e reazzione di u sistema d’immunità, u sbàgliu umanu.

Certi dìcenu : I Testimoni di Ghjehova crèdenu chì ghjè a fede chì guarisce.

In realità : Guariscenze miraculose ùn ne femu micca.

Certi dìcenu : Fassi curà senza trasfusione costa caru.

In realità : Fassi curà senza trasfusione face callà e spesea.

Certi dìcenu : Ogni annu, parechji Testimoni, ancu zitelli, mòrenu perchè ùn vòlenu micca trasfusione di sangue.

In realità : Ssu dettu s’appoghja nant’à nunda. Fà uperazione cumplicate senza fà usu di trasfusione di sangue (uperazione di u core, d’urtupedia, u trapiantu d’organi, ecc.), i chirùrgichi ne anu u sapè fàb. I malati, ancu i zitelli, chì ùn ricèvenu micca trasfusione si rimèttenu bè cum’è l’altri, sè ùn hè mègliu, chì quelli chì accèttanu u sanguec. Di tutte e manere, nimu pò guarantisce ch’un malatu hà da more s’ellu ricusa una trasfusione o ch’ellu sterà in vita s’ellu l’accetta.

Perchè i Testimoni di Ghjehova ùn vòlenu micca e trasfusione di sangue ?

E nostre ragiò sò religiose, è micca medicale. Ch’ella sìa l’Anzianu Testamentu o u Testamentu Novu, u cummandamentu hè d’astenesi di u sangue (Gènesi 9:4 ; Levìticu 17:10 ; Deuterònumu 12:23 ; Atti 15:28, 29). Di più, per Diu, u sangue raprisenta a vita (Levìticu 17:14). Dunque, postu chì Diu hè à l’orìgine di a vita, per ubbidienza è per rispettu per ellu, ùn pigliemu micca u sangue.

I parè scàmbianu

À un’èpica, e strategìe medicale messe in pràtica per micca ghjuvassi di e trasfusione — a medicina senza trasfusione — èranu cunsiderate in u mondu di a salute cum’è risicate assai assai, à u puntu di cagiunà a morte. Ma dapoi qualchi anni, i parè scàmbianu. Per indettu, in u 2004, si lighjìa in un artìculu publicatu ind’una revista d’infurmazione medicale : « Più d’una tèchnica sviluppata per curà i malati Testimoni di Ghjehova anu da diventà pràtiche nurmale per l’anni pròssimid. » In u 2010, un artìculu di a revista Heart, Lung and Circulation dicìa : « A “chirurgìa senza trasfusione” ùn duverìa micca esse pè i soli Testimoni di Ghjehova, ma diventà a pràtica nurmale d’ogni ghjornu in chirurgìa. »

Oghje in u mondu, milàie di duttori adòpranu tèchniche per risparmià u sangue è fà uperazione chirurgicale minuziose senza trasfusione. Sse tècniche senza trasfusione di sangue sò dinù aduprate indè i paesi in traccia di sviluppassi è sò dumandate da parechji malati ch’ùn sò micca Testimoni.