I Testimoni di Ghjehova accèttanu di fassi curà da i duttori ?

Iè. Accettemu di piglià e medicine è d’esse curati da i duttori. Ancu sè no pigliemu cura di a nostra salute, ci accade d’avè « bisognu di un duttore » (Lucca 5:31). D’altronde, certi Testimoni di Ghjehova sò elli stessi duttori cum’ellu l’era Lucca, un cristianu di u sèculu unu (Culussesi 4:14).

Dettu, certi trattamenti s’oppònenu à i princìpi bìblichi. Ghjè per quessa chì i ricusemu. Per esèmpiu, ùn accettemu micca e trasfusione di sangue perchè a Bibbia difende di ghjuvassi di u sangue per ripiglià forza (Atti 15:20). A Parolla di Diu difende dinù di ghjuvassi di e forze occulte per fassi curà (Galatesi 5:19-21).

Però, a maiò parte di i trattamenti ùn sò micca in disaccordu cù i princìpi bìblichi. Dunque, ogni Testimone decide per ellu stessu. Un Testimone piglierà una medicina o un trattamentu allora chì un antru hà da ricusallu (Galatesi 6:5).