¿Jeiné petíseiʼ jaiʼkí tirɨni meʼkaíwuaye?

JEIʼTƗ TYIRAXA Ɨ BIBLIA

“Dioʼ [...]. ratepuaʼtesin teʼ tayein, tyaʼta kaícheʼ kuini, katúche tyaʼta taxɨemɨʼte tájun tyaʼta kai raʼpuaitsi tájun katúche tyaʼta tikukuí tájun. Tɨ timimekan purí yutyajaume.”(Revelación [Apocalipsis] 21:3, 4, Traducción del Nuevo Mundo.)

¿JEINÉ TYITABAƗRE TEʼ RAMUARE?

Teʼtimuarɨeʼ tájun napu tyaʼjaurenesin jaʼta naa taaseʼ jame (Isaías 65:21-23).

Katúche raʼpuaitsi tájun tyaʼta kaícheʼ tyikukuí tájun (Isaías 25:8; 33:24).

Natu tyaxɨewua títeche tájun anaʼtɨna naimi tayauʼmua jamuan maʼta ɨ meʼ tájawuateʼ (Salmo 37:11, 29).

¿NIRƗRIʼ TEʼ RANTSAWUATYEN Ɨ BIBLIA?

Jee, wuapuakaʼ tu seiʼran:

• Ɨ Dioʼ rarɨristeʼ tɨ ayen raaruren jeiʼtɨ ari tyutaxaʼtaka. Ɨ Biblia jetse puʼ ayen teseiʼre tɨn aɨpuʼ pɨrɨkɨ ɨ Dioʼ naiʼmin tɨ tyibikuai tɨ kai janaʼ wuatyepuari tɨ rukanyeʼ (Revelación 15:3). Aɨʼna raxɨebe jaʼta puʼ rabikuai tɨ ayen wuarɨnyi tɨʼ ari tyutaxaʼtaka tɨ naarɨ tyururen naiʼmikɨeʼ chanaka japuaʼ, jaʼta raxa ɨ Biblia jetse “ɨ Dioʼ naiʼmin puʼ tyiʼrɨriste” (Mateo 19:26).

• Ɨ Dioʼ ayepuʼ tiraʼxɨebiraʼ tɨ ayen tyajaurenen tɨʼ tirataxaʼtaka. Yatɨʼ ɨ tyaɨte meʼmeri wuakui, ɨ Biblia raxaʼ tɨn ɨ Jeobá raxɨebe tɨ wautaruriten (Job 14:14, 15).

  Jaʼta puʼraxa tɨ ɨ Jesús, Dioʼ yauʼra tyiwuowuaʼte ɨ meʼ tiʼkukuímeka. ¿Jeiné tɨí ayen wuarɨʼ? Aɨpú ayen tíxɨebeka (Marcos 1:40, 41). Ɨ Jesús rataseiʼratakaʼ jeitɨ taataʼran tíxɨebe tɨ wuautabaɨren ɨ meʼ tebikuairesin (Juan 5:19).

  Aɨtutiʼ jɨmen tyátsawuate tɨ ɨ Jeobá jaʼta ɨ Jesús maʼxɨebe tɨ naa tyuenen meʼkaíwuayee (Salmo 72:12-14; 145:16; 2 Pedro 3:9).