¿Nikí rɨri meʼ wuatarún ɨ meʼ merí wuakui?

JEIʼTƗ TYIRAXA Ɨ BIBLIA

Muatarusin ɨ meʼ merí wuakui. (Hechos 24:15, Traducción del Nuevo Mundo.)

¿JEINÉ TYITABAƗRE TEʼ RAMUARE?

Kapúche wuapɨ jeiʼpua taase jaʼme tɨpua jatɨ wuamɨnyi teʼ jeiwua rachuebeka (2 Corintios 1:3, 4).

Katúche wuapɨ ratsiɨne tájun teʼ wuakuini (Hebreos 2:15).

Tsawuatira tu jɨmen tyiʼchuebe tájun teʼ tyaʼtawua wuauseiʼ ɨ meʼ merí wuakui (Juan 5:28, 29).

¿NIRƗRIʼ TEʼ RANTSAWUATYEN Ɨ BIBLIA?

Jee, wueikaka tu seiʼran:

• Dioʼ pu taate teʼ ruriʼ. Ɨ Biblia ayepu tyiraxa tɨ Jeobá jetsen airane ɨ rurikame (Salmo 36:9; Hechos 17:24, 25). Ɨ Jeobá wuaruriten naiʼmika meʼ seireʼ, ayepuí tiʼrɨriste tɨjiʼ jaʼtawua wuautaruriʼten meʼ meri wuakui.

• Ɨ Dioʼ puri jaʼmí wuautarurite seika meʼ merí wuakuika. Ɨ Biblia pu raxaʼ tɨn 8 mu arase tɨ wuautarurite ɨ chueʼ japua, teteka jaʼta ukaa maʼta kai ruxɨe tirachaɨmeka. Seika mu mauchen tɨn wuakuika; seiʼ puxa jatye muakua xɨkaʼ tɨ mɨchi (Juan 11:39-44).

• Ɨ Dioʼ wuapɨ puʼ raxɨebe tɨ jaʼtawua wuautaten ɨ rurikame ɨ meʼ merí wuakuí. Ɨ Jeobá wuapɨ puʼ jeiʼpua raase ɨ meʼ ɨ tyeɨte tekuisimen (Ezequiel 18:32). Wuapɨ puʼ raxɨebe tɨ jaʼtawua wuautaten meʼ ruri ɨ tɨ wuaumuare tɨ jaʼtawua wuauseiʼ ɨ chueʼ japua (Job 14:14, 15).