Zob
17 “Mon fatige, mon pros pour mor.
Simityer pe esper mwan.
2 Bann moker i antour mwan
E mon oblize get* zot kondwit rebel.
3 Silvouple aksepte mon garanti e gard li avek ou.
Lekel ankor ki pou donn mwan en ponnyendmen e pare pour ed mwan?
4 Parski ou’n tir lentelizans dan zot lespri,
Sanmenm sa ou pa donn zot loner.
5 Zot pe ofer pour partaz sa ki zot annan avek zot zanmi,
Menm si lizye zot zanfan i fatige.
6 Bondye in fer mwan ganny meprize* parmi bann pep
Pour ki dimoun i kras dan mon figir.
7 Akoz mon soufrans, mon lizye i fatige
E mon lipye ek mon lanmen in vin zis en lonbraz.
8 Bann dimoun drwat i etonnen ler zot vwar sa
E en dimoun inosan i mekontan akoz sa enn ki napa respe pour Bondye.*
9 En dimoun drwat i kontinyen fer sa ki drwat
E sa enn ki son lanmen i prop i vin pli for.
10 Me zot tou zot kapab vini e kontinyen argimant avek mwan,
Parski mon pa’n trouv okenn dimoun saz parmi zot.
11 Mon pros pour mor.
Mon bann plan ek dezir in fini.
12 Zot toultan fer aswar vin lizour,
Zot dir, ‘Lizour i pros pour fer parski i fernwanr.’
13 Si mon espere, Latonm* pou vin mon lakaz.
Mon pou aranz mon lili dan fernwanr.
14 Mon pou dir avek sa trou,* ‘Ou mon papa!’
E avek moutouk, ‘Ou mon manman ek mon ser!’
15 Alor, oli mon lespwar?
Lekel ki krwar i ankor annan lespwar pour mwan?