Psonm
106 Loue Ya!*
Remersye Zeova, parski i bon.
Son lanmour fidel i dire pour touzour.
2 Lekel ki kapab koz lo tou bann aksyon pwisan Zeova
Oubyen lo tou son bann aksyon ekstraordiner?
3 Ere bann ki azir avek lazistis,
Ki toultan fer sa ki byen.
4 O Zeova, mazin mwan ler ou demontre labonte anver ou pep.
Pran swen avek mwan e sov mwan,
5 Pour ki mon kapab apresye ler ou demontre labonte avek bann ki ou’n swazir,
Pour ki mon kapab dan lazwa ansanm avek ou nasyon
E ki mon loue ou avek lafyerte* ansanm avek ou leritaz.
6 Nou’n fer pese parey nou zanset ti fer.
Nou’n fer bann move keksoz e nou’n fer sa ki mal.
7 Nou bann zanset Lezip pa ti apresye* ou bann travay merveye.
Zot pa ti rapel ou gran lanmour fidel,
Me zot ti rebel o bor lanmer, Lanmer Rouz.
8 Me i ti sov zot akoz son non,
Pour ki zot konn son pwisans.
9 I ti donn lord Lanmer Rouz e i ti vin sek.
I ti fer son pep mars dan fon lanmer parey dan en dezer.
10 I ti sov zot dan lanmen zot lennmi
E i ti repran zot dan lanmen zot lennmi.
11 Delo ti kouver zot bann lennmi,
Ni enn parmi zot pa ti sirviv.*
12 Alor zot ti konmans annan lafwa dan son promes
E zot ti sant kantik pour loue li.
13 Me zot ti vitman oubliy sa ki i ti’n fer,
Zot pa ti esper son konsey.
14 Zot ti les zot ganny antrennen par zot dezir egois dan dezer.
Zot ti teste Bondye dan dezer.
15 I ti donn zot sa ki zot ti demande,
Me apre i ti frap zot avek en maladi ki ti fer zot deperi.
16 Dan kan, zot ti zalou Moiz
Ek Aaron, sa enn ki sen pour Zeova.
17 Alor later ti ouver e anval Datann
E i ti kouver bann ki ti ansanm avek Abiram.
18 En dife ti bril zot
E en laflanm dife ti devor bann move dimoun.
19 Zot ti fer en pti bef Oreb
E zot ti azenou devan en stati an metal.*
20 Olye donn mwan laglwar,
Zot ti ador stati en toro ki manz zerb.
21 Zot ti oubliy Bondye zot Sover,
Ki ti fer bann gran keksoz Lezip,
22 Bann keksoz merveye dan pei Kam,
Bann keksoz enpresyonan* kot Lanmer Rouz.
23 I ti pros pour donn lord pour detri zot,
Me Moiz, sa enn ki i ti’n swazir ti sipliy li
Pour ki i pa devid son lakoler lo zot.
24 Apre sa zot ti degout sa bon pei,
Zot ti napa lafwa dan son promes.
25 Zot ti kontinyen konplent dan zot latant,
Zot pa ti ekout sa ki Zeova ti dir.
26 Alor i ti lev son lanmen e fer serman
Ki zot ti pou mor dan dezer.
27 I ti pou fer zot desandans mor parmi bann nasyon
E dispers zot dan lezot pei.
29 Sa ki zot ti fer ti fer Li ankoler
E i ti pini zot avek en fleo.
30 Me ler Fineas ti leve e azir,
Sa fleo ti arete.
31 Alor, Bondye ti konsider li konman en dimoun ki fer sa ki byen,
Zenerasyon apre zenerasyon, pour touzour.
32 Zot ti fer Li ankoler kot delo Meriba*
E akoz zot, keksoz ti al mal pour Moiz.
33 Zot ti fer li ankoler
E i ti koz san reflesir.
34 Zot pa ti detri bann pep,
Parey Zeova ti’n demann zot pour fer.
36 Zot ti kontinyen ador zidol bann nasyon
E sa ti vin en pyez pour zot.
37 Zot ti sakrifye zot bann garson
Ek fiy avek bann demon.
38 Zot ti kontinyen fer koule disan dimoun inosan,
Disan zot prop garson ek fiy
Ki zot ti sakrifye avek bann zidol Kanaan.
Sa disan ki ti ganny verse ti sali sa pei.
39 Zot ti vin enpir akoz sa ki zot ti fer.
Zot aksyon ti montre ki zot enfidel* avek Bondye.
40 Alor Zeova ti vreman ankoler avek son pep
E i ti konmans deteste son leritaz.
41 Plizyer fwa i ti livre zot dan lanmen bann nasyon,
Pour ki bann ki ay zot i domin lo zot.
42 Zot lennmi ti maltret zot
E zot ti soumet anba pouvwar* zot lennmi.
43 Plizyer fwa i ti delivre zot,
Me zot ti rebele e dezobei.
Zot ti ganny imilye akoz zot fot.
44 Me i ti vwar zot soufrans
E i ti tann zot ler zot ti demann li led.
46 I ti fer bann ki ti anmenn zot an egzil
Pran pitye pour zot.
47 O Zeova nou Bondye, sov nou.
Fer nou sorti parmi bann nasyon e rasanble nou
Pour ki nou glorifye ou non sen
E loue ou dan lazwa.
48 Ki Zeova, Bondye Izrael i ganny loue
Pour touzour*
E ki tou bann dimoun i dir, “Amenn!”*
Loue Ya!*