Proverb
19 Vomye en dimoun pov ki reste fidel*
Ki en dimoun bet ki koz manti.
2 I pa byen si en dimoun napa konnesans
E en dimoun ki azir tro vit* i fer pese.
3 Keksoz bet ki en dimoun i fer, i fer li al lo en move semen
E i ankoler avek Zeova dan son leker.
4 Larises i fer en dimoun annan en kantite zanmi,
Me sa enn ki pov pou ganny abandonnen par son zanmi.
5 En fo temwen pou ganny pini
E en dimoun ki zis koz manti pa pou ganny sove.
6 En kantite dimoun i anvi ki en dimoun enportan* i aksepte zot
E tou dimoun i vin zanmi sa enn ki donn kado.
7 Tou bann frer en dimoun pov i ay li.
An plis ki sa, son bann zanmi osi i evit li!
I kontinyen demann zot led, me personn pa tann li.
8 En dimoun ki rod bon zizman* i kontan son lekor.
En dimoun ki kontan disernman pou reisi.*
9 En fo temwen pou ganny pini
E en dimoun ki zis koz manti pou ganny detrir.
10 I pa byen pour en dimoun bet viv en lavi deliks,
I pli drol ankor pour en serviter diriz bann prens.
11 En dimoun ki annan bon zizman pa ankoler vitman
12 Lakoler lerwa i parey en lyon* ki pe kriye,
Me laprouvasyon lerwa i parey laroze lo bann plant.
13 En garson ki bet i fer son papa soufer
E en madanm ki kontan fer kankan* i parey twa en lakaz ki pa zanmen aret koule.
14 En lakaz ek larises i en leritaz ki en papa i donnen,
Me en madanm ki pridan i sorti kot Zeova.
15 Pares i fer en dimoun tonm dan en profon sonmey
E sa enn ki lakanny pou lafen.
16 Sa enn ki obeir komannman pou reste vivan.
En dimoun ki enpridan dan sa ki i fer pou mor.
18 Disiplin ou zanfan ler i ankor annan lespwar
E pa bezwen responsab pour* son lanmor.
19 En dimoun ki ankoler vitman pou pey konsekans.
Si ou esey protez li, ou pou bezwen fer sa plizyer fwa.
20 Ekout konsey e aksepte disiplin
Pour ou kapab vin saz dan lavenir.
21 En dimoun i fer en kantite plan dan son leker,
Me konsey* Zeova ki pou reisi.
22 I bon ler en dimoun i annan lanmour fidel
E vomye en dimoun pov ki en manter.
23 En gran respe pour Zeova i donn lavi.
En dimoun ki annan en gran respe pour Bondye pou repoz byen e an sekirite.
24 En dimoun ki pares i met son lanmen dan bol manze,*
Me i pa ni menm annan lafors pour met manze dan son labous.
25 Tap en monker pour ki dimoun ki napa leksperyans i vin pridan
E koriz en dimoun ki entelizan pour li kapab ganny plis konnesans.
26 Sa enn ki maltret son papa e ki pous son manman
I en garson ki ganny imilye e ki fer onte.
27 Mon garson, si ou aret ekout disiplin,
Ou pou rezet konnesans.
28 En temwen ki pa vo nanryen i boufonn lazistis
E labous bann move dimoun i kontan sa ki mal.
29 Bann monker pou ganny pini
E bann dimoun bet pou ganny bate lo zot ledo.