7 Ou devret met lansan blan pir lo sak ta e i pou ganny ofer dan dife pour Zeova konman en lofrann ki reprezant sa dipen.+ 8 Dipen i devret ganny mete devan Zeova sak Saba.+ Sa i en lalyans permanan avek bann Izraelit. 9 Sa dipen pou vin pour Aaron ek son bann garson+ e zot pou manz li dan en landrwa sen,+ akoz sa i en keksoz tre sen pour li ki sorti dan bann lofrann pour Zeova, ki ganny ofer dan dife. Sa i en lalwa permanan.”

25 Me i ti dir zot: “Eski zot pa’n zanmen lir sa ki David ti fer ler son manze ti’n fini e li ek son bann zonm ti lafen?+ 26 Dan sa resi konsernan sef pret Abyatar,+ pa David ti antre dan lakaz Bondye, manz dipen sakre* e osi donn en pe son bann zonm ki ti avek li? Pa i ti kont lalwa pour nenport dimoun manz sa dipen eksepte bann pret?”+

3 Zezi ti reponn zot: “Eski zot pa’n zanmen lir sa ki David ti fer ler li ek son bann zonm ti lafen?+ 4 Pa i ti antre dan lakaz Bondye, ganny donnen dipen sakre,* manze e donn en pe son bann zonm? Pa i ti kont lalwa pour nenport dimoun manz sa dipen ki zis bann pret ti annan drwa manze?”+