21 Apre, Satan* ti deside atak Izrael e i ti enfliyans David pour konte konbyen dimoun i annan Izrael.+ 2 Alor David ti dir Zoab+ ek bann sef sa pep: “Ale e konte konbyen dimoun i annan Izrael, depi Beer-Seba ziska Dann.+ Apre vin dir mwan pour mwan konnen ki kantite dimoun i annan.” 3 Me Zoab ti dir li: “Ki Zeova i fer son pep ogmante 100 fwa plis! Mon senyer lerwa, zot tou zot deza ou bann serviter. Alor, akoz mon senyer i anvi fer sa? Akoz ou anvi fer Izrael koupab?”