16 Ler David ti gete, i ti vwar lanz Zeova pe debout ant later ek lesyel. Sa lanz ti annan en lepe+ dan son lanmen ki ti’n viz ver Zerizalenm. David ek bann ansyen ti’n met latwal goni*+ lo zot e deswit zot ti tonm ater lafas anba.+ 17 David ti dir sa vre Bondye: “Mwan ki ti dir kont sa pep. Mwan ki’n fer pese e mwan ki’n fer sa ki mal.+ Ki sa bann mouton in fer? O Zeova mon Bondye, silvouple, pini mwan ek fanmir* mon papa, me pa bezwen anmenn sa fleo lo ou pep.”+