• Izai 61:1-3
    Labib—Tradiksyon nouvo lemonn

    • 61 Souvren Senyer Zeova in donn mwan son lespri sen,+

      Parski Zeova in swazir mwan pour anons bon nouvel avek bann dimoun ki annan limilite.+

      I’n anvoy mwan pour pans blesir bann dimoun ki dekouraze,*

      Pour anons bann prizonnyen ki zot pou ganny large

      E pour dir bann prizonnyen ki zot pou vwar byen kler ankor,+

       2 Pour anons sa lannen ki Zeova pou demontre son labonte*

      E sa zour ki nou Bondye pou revanze,+

      Pour konsol tou bann dimoun ki dan dey,+

       3 Pour pran swen avek bann dimoun ki dan dey akoz Siyon,

      Pour donn zot en tirban* dan plas lasann,

      Pour donn zot delwil pour zot selebre dan plas ki zot dan dey,

      Pour donn zot en lenz pour zot loue mwan dan plas ki zot dekouraze.

      Zot pou ganny apele bann gro pye dibwa ladrwatir,

      Bann plant ki Zeova in plante, pour zot glorifye li.*+