45 David ti reponn sa Filisten: “Ou pe vin kont mwan avek en lepe ek de lans,+ me mwan, mon pe vin kont ou o non Zeova Sef larme,+ Bondye larme Izrael ki ou’n provoke.+ 46 Ozordi menm Zeova pou donn ou dan mon lanmen+ e mon pou touy ou e koup ou latet. Ozordi menm, mon pou donn bann zwazo dan lesyel ek bann zannimo sovaz dan lakanpanny lekor mor bann Filisten ki dan kan. Koumsa, dimoun partou lo later pou konnen ki Izrael i annan en Bondye.+

15 Ankor enn fwa, i ti annan lager ant bann Filisten ek bann Izraelit.+ Alor, David ek son bann serviter ti desann e al lager avek bann Filisten me David ti konmans fatige.

17 Deswit, Abisay+ garson Zerouya ti vin ed David+ e i ti touy sa Filisten. Sa zour, bann zonm David ti fer en serman avek li: “Ou pa devret al dan lager avek nou ankor!+ Ou pa devret tenny lalanp Izrael!”+