12 Sa zour, mon pou fer tou sa ki mon ti’n dir konsernan Eli ek son fanmir,* depi konmansman ziska finisyon.+ 13 Ou bezwen dir li ki mon pou pas en zizman lo son fanmir ki pou dire pour touzour akoz bann fot ki son bann garson in fer. I konnen+ ki son bann garson pe modi Bondye+ me i pa’n koriz zot.+

5 Antretan, Adoniya+ garson Agit ti pe fer vantar e dir: “Mwan ki pou vin lerwa!” En saret lager ti ganny fer pour li e i ti osi rod bann kavalye ek 50 zonm pour tay par devan li.+ 6 Me son papa pa ti zanmen koriz li* e dir li: “Akoz ou’n fer sa?” Adoniya ti en zoli garson e i ti ne apre Absalonm.