14 Alor, Zeova li menm pou donn zot en siny: Ekoute! Sa zenn madanm* pou tonm ansent e i pou ganny en garson.+ I pou apel li Emanyel.*+

16 Parski avan ki sa garson i konnen ki mannyer pour rezet sa ki mal e swazir sa ki byen, pei sa de lerwa ki ou per pou ganny abandonnen konpletman.+

3 Apre, mon ti dormi avek* sa madanm ki ti en profet.* I ti tonm ansent e pli tar i ti ganny en garson.+ Apre Zeova ti dir mwan: “Apel li Maer-Salal-As-Baz, 4 parski avan ki sa garson i konnen ki mannyer pour kriy, ‘Mon papa!’ ek ‘Mon manman!’ bann dimoun pou pran bann resours Damas ek bann keksoz Samari devan lerwa Asiri.”+