17 Tou sa bann dimoun ki determinen pour al reste Lezip pou mor avek lepe, avek lafanmin e avek lepidemi.* Personn pa pou sirviv oubyen sove ler mon pou anmenn sa maler lo zot.”’

18 “Parski la sa ki Zeova Sef larme, Bondye Izrael, i dir: ‘Zis parey mon ti devid mon gran lakoler lo bann zabitan Zerizalenm,+ mon pou devid mon gran lakoler lo zot si zot al Lezip. Zot pou ganny konsidere konman en malediksyon, bann dimoun pou soke ler zot pou vwar sa ki pou’n arive avek zot, zot pou ganny modi e zot pou ganny imilye.+ Zot pa pou zanmen vwar sa landrwa ankor.’