6 Mon pou met lape dan sa pei+ e ler zot pou dormi, personn pa pou fer zot per.+ Mon pou tir bann zannimo sovaz dan pei e personn pa pou vin atak zot avek lepe dan zot pei.

 6 Lelou pou reste avek pti mouton pour en pe letan+

E leopar pou alonze avek pti kabri.

Pti bef, lyon ek zannimo angrese pou ansanm zot tou*+

E en pti garson pou diriz zot.

 7 Bef ek lours pou manz ansanm

E zot piti pou alonze ansanm.

Lyon pou manz lapay parey toro.+

 8 En zanfan ki ankor pe tete pou zwe kot en kobra i reste

E en zanfan ki’n sevre* pou met son lanmen lo trou kot en serpan anpwazonnen i reste.

 9 Zot pa pou fer okenn keksoz mal+

E zot pa pou detrir nanryen partou lo mon montanny sen,+

Parski konnesans lo Zeova pou vreman ranpli later

Zis parey delo i kouver fon lanmer.+

 9 I pou napa lyon laba

E bann zannimo sovaz pa pou vin lo la.

Zot pa pou ganny trouve laba.+

Zis bann dimoun ki’n ganny reaste ki pou mars laba.+

25 Lelou ek pti mouton pou manz ansanm,

Lyon pou manz lapay zis parey toro+

E serpan pou manz lapousyer.

Zot pa pou fer okenn ditor ni detrir nanryen partou lo mon montanny sen.”+ La sa ki Zeova in dir.

18 Sa zour, mon pou fer en lalyans pour mon pep avek bann zannimo sovaz dan lakanpanny,+

Avek bann zwazo dan lesyel ek bann reptil lo later.+

Mon pou tir lark,* lepe ek lager dan sa pei+

E mon pou fer mon pep viv* an sekirite.+