11 I pou vini e i pou atak Lezip.+ Serten dimoun parmi zot pou mor akoz bann maladi, serten dimoun pou al an egzil e serten dimoun pou mor avek lepe.+ 12 Mon pou bril bann lakaz* bann bondye Lezip.+ I pou bril zot e pran zot konman prizonnyen. I pou anvlop Lezip otour li zis parey en berze i anvlop li dan son lenz e i pou kit sa landrwa anpe.* 13 I pou kas kas bann pilye* Bet-Semes* ki Lezip e i pou bril bann lakaz* bann bondye Lezip.”’”