5 Apre sa, zot ti ariv lot kote lanmer dan rezyon bann Zerazenyen.+ 2 Deswit apre ki Zezi ti debarke dan kannot, en zonm ki ti posede par en demon ti sorti dan simityer e vin zwenn li. 3 I ti reste dan simityer e ziska sa letan, ni menm en dimoun pa ti’n kapab anmar li, ni menm avek en lasenn.

26 Zot ti ariv lot kote lak, dan rezyon bann Zerazenyen+ ki vizavi Galile. 27 Ler Zezi ti debarke, en zonm dan sa lavil ki ti posede par demon ti vin kot li. Pour en bon pe letan, i ti’n aret met lenz e i pa ti reste dan lakaz me dan simityer.+