14 Ler zot ti ariv pre avek lafoul,+ en zonm ti vin kot Zezi, i ti tonm azenou e dir: 15 “Senyer pran pitye* pour mon garson, parski i ganny bebelouka e i malad. Souvandfwa i tonm dan dife e dan delo.+ 16 Mon’n anmenn li kot ou bann disip, me zot pa’n kapab geri li.” 17 Zezi ti reponn: “Ar, sa zenerasyon move ki napa lafwa,+ ziska kan mon pou bezwen kontinyen avek zot? Ziska kan mon pou bezwen siport zot? Anmenn li kot mwan.”

38 La, en zonm dan lafoul ti kriye: “Ansenyan, mon sipliy ou pour get mon garson parski mon annan zis li.+ 39 Dek ki sa demon i pran kontrol lo li, i kriye, sa demon i fer li tonm kriz e kimen. I pa oule kit li ziska ki i’n fer li dimal. 40 Mon’n sipliy ou bann disip pour sas sa demon me zot pa’n kapab.” 41 Zezi ti reponn: “Ar, sa zenerasyon move ki napa lafwa,+ ziska kan mon pou bezwen kontinyen avek zot e siport zot? Anmenn ou garson isi.”+ 42 Me menm ler i ti pe vin kot Zezi, sa demon ti zet li ater avek lafors e fer li tonm kriz. Me Zezi ti koz severman avek sa demon, geri sa garson e redonn li avek son papa.