6 Ler Zezi ti Betani dan lakaz Simon sa lepre,+ 7 en madanm ki ti annan en boutey* delwil parfimen byen ser ti vin kot li e konmans vid sa delwil lo son latet ler i ti pe manze.* 8 Ler zot ti vwar sa, bann disip ti mekontan e zot ti dir: “Akoz sa gaspiyaz? 9 Parski sa ti’n kapab ganny vann pour en bon sonm larzan e donn sa larzan bann pov.”

2 Alor zot ti fer en dinen pour li laba e Mart ti pe servi zot.+ Lazar ti enn parmi bann ki ti pe manze* avek li. 3 Apre sa, Mari ti pran lanmwatye en lit* delwil parfimen, delwil nar* pir byen ser. I ti vid sa delwil lo lipye Zezi e eswiye avek son seve. Sa delwil parfimen ti anvoy loder partou dan lakaz.+ 4 Me Zida Iskaryot,+ enn son disip, sa enn ki ti pe al trai li ti dir: 5 “Akoz sa delwil parfimen pa ti ganny vann pour 300 denye* e donn sa larzan bann pov?”