22 “Si en dimoun i fer en pese ki merit lanmor,+ i ganny met amor e ou met li anpandan lo en poto,+ 23 ou pa devret kit son lekor lannwit antye lo en poto.+ Plito, ou devret fer sir ki ou anter li sa menm zour. Parski en dimoun ki ganny met anpandan lo en poto i ganny modi par Bondye+ e ou pa devret sali sa pei ki Zeova ou Bondye pe donn ou konman en leritaz.+

57 Aprezan, lo tar apremidi, Zozef, en zonm ris sorti Arimate ki ti osi en disip Zezi ti vini.+ 58 Sa zonm ti al demann Pilat lekor Zezi+ e Pilat ti donn lord pour donn li.+

50 La i ti annan en zonm ki ti apel Zozef ki ti en manm Sannedren.* I ti en bon dimoun e i ti fer sa ki byen.+ 51 (Sa zonm pa ti’n vot an faver zot konplo ek aksyon.) I ti sorti Arimate, en lavil Zide e i ti pe esper Rwayonm Bondye. 52 Sa zonm ti al kot Pilat pour demann li lekor Zezi.

38 Zozef sorti Arimate ti en disip Zezi me an sekre akoz i ti per bann Zwif.+ Me apre tousala, i ti demann Pilat si i kapab pran lekor Zezi e Pilat ti donn li permisyon. Alor, i ti vin pran son lekor.+