3 Ler Sol ti pros pour ariv Damas, en sel kou en lalimyer sorti dan lesyel ti klere toultour li.+ 4 I ti tonm ater e i ti tann en lavwa dir li: “Sol, Sol, akoz ou pe persekit mwan?” 5 Sol ti demande: “Lekel ou Senyer?” I ti dir: “Mwan menm Zezi+ ki ou pe persekite.+ 6 Me leve e al dan lavil e ou pou ganny dir ki ou devret fer.” 7 Bann zonm ki ti pe vwayaz avek li ti telman sirprann ki zot ti nepli kapab koze parski anfet zot ti tann en lavwa, me zot pa ti vwar personn.+ 8 Apre sa, Sol ti leve, me menm si son lizye ti ouver, i pa ti vwar nanryen. Alor zot ti atrap son lanmen e anmenn li Damas.

13 Lerwa Agripa, ler mon ti dan semen ver midi, mon ti vwar en lalimyer ki ti pli klate ki soley dan lesyel e i ti klere toultour mwan ek bann ki ti pe vwayaz avek mwan.+ 14 Apre ki nou tou nou ti’n tonm ater, mon ti tann en lavwa koz avek mwan dan langaz Ebre e dir: ‘Sol, Sol, akoz ou pe persekit mwan? Ou pe fer ou lekor dimal par kontinyen lalit kont mwan.’* 15 Me mon ti dir: ‘Lekel ou Senyer?’ Senyer ti dir mwan: ‘Mwan menm Zezi ki ou pe persekite.