Proverb

3 Mon garson, pa oubliy mon lansennyman*

E obeir mon bann komannman avek tou ou leker,

 2 Parski sa pou fer ou viv lontan,

Wi, bokou lannen e ou pou viv anpe.+

 4 Si ou fer sa, ou pou ganny laprouvasyon Bondye ek dimoun+

E zot pou vwar ki ou annan bon zizman.

 5 Annan konfyans dan Zeova+ avek tou ou leker

E pa bezwen depan* lo ou prop lentelizans.*+

 6 Depan lo li dan tou sa ki ou fer+

E i pou fer ou bann santye drwat.+

 8 Sa pou geri ou lekor*

E i pou fer ou bann lezo vin for.

 9 Onor Zeova avek ou bann keksoz ki annan valer,+

Avek bann premye fri* dan tou sa ki ou rekolte.*+

10 Si ou fer sa, ou bann stor pou plen+

E ou bann basen* pou deborde avek nouvo diven.

11 Mon garson, pa bezwen rezet disiplin Zeova+

E pa bezwen ay son koreksyon,+

12 Parski Zeova i koriz bann dimoun ki i kontan,+

Zis parey en papa i fer avek son garson ki i kontan.+

13 Sa dimoun ki trouv lasazes+

E sa enn ki ganny disernman pou ere.

14 I pli bon pour vin saz ki ganny larzan*

E annan lasazes konman en profi ki annan lor.+

16 Son lanmen drwat i kapab fer en dimoun viv lontan

E son lanmen gos i kapab fer en dimoun ganny larises ek laglwar.

17 Bann ki mars lo son bann semen i dan lazwa

E bann ki mars lo tou son bann santye i anpe.+

18 Lasazes i en pye dibwa lavi pour bann dimoun ki tyonbo li

E bann ki kontinyen tyonbo li for pou ere.*+

20 Avek son konnesans, i’n separ delo ki fon

E i’n fer bann pti grenas lapli tonbe sorti dan nyaz.+

22 Zot pou donn ou lavi

E zot pou en kolye dan ou likou.

23 Alor ou pou mars lo ou semen an sekirite

E ou lipye pa pou zanmen fer ou tonbe.*+

25 Ou pa pou per ki maler i ariv en sel kou+

Oubyen sa tanpet ki pe vin lo bann move dimoun.+

27 Pa refize fer sa ki byen pour dimoun ki bezwen led*+

Si ou kapab ed zot.*+

28 Pa dir ou prosen, “Ale, retourn pli tar! Mon pou donn ou demen,”

Si ou kapab donn li la konmela.

29 Pa fer plan pour fer sa ki mal avek ou prosen+

Ler i reste o bor ou e i santi li an sekirite.

30 Pa dispit avek en dimoun san okenn rezon+

Si i pa’n fer ou nanryen mal.+

31 Pa bezwen anvi vin parey en dimoun vyolan,+

Oubyen swazir pour fer parey li,

32 Parski Zeova pa kontan dimoun malonnet,*+

Me i bon zanmi avek dimoun ki fer sa ki drwat.+

33 Zeova i modi lakaz en move dimoun,+

Me i beni lakour en dimoun ki fer sa ki byen.*+

34 Parski i monk bann ki monk lezot,+

Me bann ki annan limilite i ganny son laprouvasyon.+

35 Bann dimoun saz pou ganny onore,

Me bann ki bet i kontan bann keksoz ki fer onte.+