Psonm
Pour direkter lanmizik. David, en serviter Zeova ti ekri sa sanson pour Zeova apre ki Zeova ti’n sov li dan lanmen Sail ek tou son lennmi. I ti dir:+
18 O Zeova, mon kontan* ou, ou ki mon lafors.+
2 Zeova i mon ros, mon landrwa proteksyon e sa Enn ki delivre mwan.+
Mon Bondye i mon ros+ e mon rod son proteksyon.
I mon boukliye e mon sover pwisan,* mon landrwa kasyet* ki an sekirite.+
3 Mon priy Zeova, sa Enn ki merit ganny loue
E mon pou ganny sove dan lanmen mon bann lennmi.+
4 Bann lakord lanmor ti anserkle mwan.+
Bann zonm bonnaryen ti fer mwan vreman per parey linondasyon.+
5 Bann lakord Latonm* ti antour mwan.
Lanmor ti met bann latrap devan mwan.+
6 Dan mon soufrans, mon ti priy Zeova,
Mon ti kontinyen kriy osekour mon Bondye.
7 Alor later ti konmans tranble e sekwe.+
Fondasyon bann montanny ti tranble
E sekwe parski Bondye ti ankoler.+
8 Lafimen ti monte sorti dan son nennen,
En gro dife ti sorti dan son labous+
E labrez ti sorti kot li.
10 I ti mont lo en seriben* e i ti anvole pour li vini.+
I ti desann vitman lo lezel en lanz.*+
11 Alor i ti kouver son lekor avek fernwanr.+
Bann nyaz nwanr ranpli avek delo+
Ti toultour li parey en latant.
12 Lalimyer ti alimen devan li
E lagrel ek labrez ti tonbe sorti dan nyaz.
13 Apre, Zeova ti konmans fer tapaz parey loraz dan lesyel.+
Sa Enn Tre O ti fer tann son lavwa+
Avek lagrel ek labrez.
14 I ti tir son fles e fer zot disperse.+
I ti anvoy son zekler e fer zot panik.+
15 Fon larivyer ti aparet,+
Fondasyon later ti aparet akoz ou disiplin, O Zeova
E akoz en gro divan sorti dan ou nennen.+
16 Depi anler i ti anvoy son lanmen anba.
I ti tyonbo mwan e tir mwan dan delo profon.+
18 Zot ti opoz mwan zour mon ti dan maler,+
Me Zeova ti soutenir mwan.
19 I ti anmenn mwan dan en landrwa an sekirite.*
I ti sov mwan parski mon ti fer li plezir.+
20 Zeova i rekonpans mwan akoz mon fer sa ki byen.+
I rekonpans mwan akoz mon inosan.*+
21 Parski mon’n toultan obeir Zeova
E mon pa’n fer sa ki mal e abandonn mon Bondye.
22 Tou son bann komannman* i devan mwan.
Mon pa pou rezet son bann lalwa.
25 Avek dimoun fidel, ou fidel.+
Avek dimoun san repros, ou san repros.+
28 Parski ou ki alim mon lalanp, O Zeova.
Mon Bondye ki kler mwan dan fernwanr.+
29 Mon kapab atak en group bandi avek ou led.+
Mon kapab grenp en miray avek lafors Bondye.+
30 Semen sa vre Bondye i parfe.+
I en boukliye pour tou bann ki rod son proteksyon.+
31 Parski lekel ki Bondye apard Zeova?+
Lekel ki en ros apard nou Bondye?+
33 I fer mon lipye parey sa ki pour en serf.
I fer mwan debout lo bann montanny.*+
34 I montre mwan ki mannyer pour lager,
Mon kapab ploy en lark* an kwiv.
35 Ou donn mwan ou boukliye pour sov mwan.+
Ou lanmen drwat i soutenir mwan
E ou limilite i fer mwan vin enportan.+
36 Ou larzi semen kot mon marse.
37 Mon pou tay deryer mon bann lennmi e mon pou atrap zot.
Mon pa pou retournen ziska ki zot konpletman ganny detrir.
38 Mon pou kraz zot pour ki zot pa kapab leve,+
Zot pou tonm kot mon lipye.
39 Ou pou donn mwan lafors pour lager.
Ou pou fer mon bann lennmi tonbe devan mwan.+
41 Zot kriy osekour, me napa personn pour sov zot.
Zot menm kriy Zeova, me i pa reponn zot.
42 Mon pou kraz zot e fer zot vin parey lapousyer dan divan.
Mon pou zet zot parey labou dan lari.
43 Ou pou sov mwan dan lanmen sa pep ki kritik mwan.+
Ou pou apwent mwan konman sef bann nasyon.+
En pep ki mon pa konnen pou servi mwan.+
44 Ler zot tann koz lo mwan zot pou obeir mwan.
Bann etranze pou imilye zot devan mwan.+
45 Bann etranze pou perdi kouraz,*
Zot pou tranble ler zot sorti dan zot landrwa proteksyon.
46 Zeova i vivan! Ki mon Ros i ganny loue!+
Ki mon Bondye ki sov mwan i ganny glorifye.+
47 Sa vre Bondye i revanze pour mwan.+
I fer bann pep soumet anba mon lotorite.
48 I sov mwan dan lanmen mon bann lennmi ki ankoler.
Ou lev mwan par lao bann ki atak mwan.+
Ou sov mwan dan lanmen sa zonm vyolan.
49 O Zeova, sanmenm sa mon pou glorifye ou parmi bann nasyon+